iTuvatuva ni Soqoni ni Cakacaka

Macawa me Tekivu ena 10 Feperueri

Sere 4

10 min: Veika me kacivaki kei na kena e digitaki mai na Noda Cakacaka Vakaitalatala. Uqeti ira kece mera sarava rawa na vidio Faithful Under Trials​—Jehovah’s Witnesses in the Soviet Union ni na veivosakitaki ena macawa ni 24 Feperueri. Me rua na vakatasuasua me taurivaki kina na vakatutu ena tabana 8, me dua e taurivaka Na Vale ni Vakatawa, 15 Feperueri, kena ikarua na Yadra!, Janueri-Maji. Ia, ni caka na vakatasuasua yadua, me rau soli vata na ivoladraudrau ruarua, dina ni na vakamacalataki ga e dua vei rau.

35 min: “Vunau ka Vakadinadina.”a Me nona itavi na ivakatawa ni cakacaka. Uqeti ira kece e rawa mera painia veivuke ena vula o Maji kei na Epereli. Uqeti ira era painia ena vula ni iVakananumi sa oti mera vakamacala. Era tuvanaka vakacava nodra painia? Na sasaga kei na veiveisau cava e gadrevi kina? Na marau kei na veivakalougatataki cava era vakila? Me veivosakitaki na kato ena tabana 4. Kacivaka ni rawa ni tauri na ivola kerekere ni painia veivuke ni suka na soqoni.

Sere 30 kei na masu.

Macawa me Tekivu ena 17 Feperueri

Sere 48

10 min: Veika me kacivaki. Ripote ni akaude. Veivosakitaki na ivola me soli ena vula o Maji. Tukuna e dua se rua na vakatutu mai na itoma ni Cakacaka Vakaitalatala Janueri 2002 ni kena soli na ivola na Kila. Vakabibitaka na isausau me tekivutaki e dua na vuli iVolatabu.

15 min: “O Rawa ni Solia Nomu Vale?” Me vosa e dua na ivakatawa ni vulivola. Okata na ivakamacala mai na Kato ni Taro ni Noda Cakacaka Vakaitalatala Epereli 2001, Our Kingdom Ministry Feperueri 1990. Tukuna se vica na iwasewase lalai ni vulivola ni ivavakoso, kei na ivakatautauvata ni kedra iwiliwili na dau tiko kina. Me tukuna e dua se rua na dautukutuku e caka tiko ena nodrau vale na vulivola ni ivavakoso na sala e yaga kina vei rau kei na nodrau vuvale. O ira na vinakata me caka ena nodra vale na vulivola ni ivavakoso, mera tukuna vua na ivakatawa daulewa.

20 min: “O Dau Vakaliuca na Cava?”b Lesia rawa tu e liu e dua se rua na dautukutuku, me rau tukuna na sala rau veisautaka kina na nodrau ituvaki me rau vakalevutaka nodrau cakacaka vakaitalatala.

Sere 57 kei na masu.

Macawa me Tekivu ena 24 Feperueri

Sere 74

10 min: Veika me kacivaki. Vakadreti ira na dautukutuku kece mera solia nodra ivolatukutuku ni cakacaka ni vula o Feperueri. Me dua na vakatasuasua me taurivaki kina na vakatutu ena tabana 8, me taurivaki Na Vale ni Vakatawa, 1 Maji.

10 min: “Veivuke ena Kena Gauna Donu.” Me vosa e dua na qase. Tukuna na sasaga e sa caka tiko mera vukei kina na sa mate tu vakayalo e vakaraitaka na nona kauaitaki ira nona tamata o Jiova.

25 min: “Na Vidio ena Dolava na Matada Qai Uqeti Keda!” Tekivu sara na veitarotarogi ena vidio Faithful Under Trials, vakayagataka na taro e vakarautaki. Tuvana vinaka nomu gauna me rawa ni vica toka e sauma na iotioti ni taro. Tinia ena nomu wilika na kato ena tabana 192 ni 2002 Yearbook.

Sere 56 kei na masu.

Macawa me Tekivu ena 3 Maji

Sere 14

10 min: Veika me kacivaki. Vakamacalataka vakalekaleka na “iTuvatuva Vou ni Laibri ena Kingdom Hall.” Tukuna se o cei sa lesi me qarava na laibri ni Kingdom Hall.

15 min: Veika e gadrevi ena ivavakoso.

20 min: “Meda Yalomatua ni sa Voleka na iCavacava.”c Ni veivosakitaki na parakaravu 3-4, sureti ira na dautukutuku mera tukuna na isausau vakayalo era saga tiko mera sauva ena gauna oqo. Okata na ivakamacala mai na ivola Qarava na Kalou, tabana 175 kei na 176.

Sere 127 kei na masu.

[iVakamacala e ra]