iTuvatuva ni Soqoni ni Cakacaka

ME NANUMI: Ena tuvanaki ena Noda Cakacaka Vakaitalatala na ituvatuva ni Soqoni ni Cakacaka ni veimacawa ena loma ni vula o Sepiteba kei na Okotova. Mera lewa na ivavakoso na veiveisau e veiganiti me na vakayacori me vaka ni na caka tiko na Soqo ni Tikina na “Vakalagilagia na Kalou.” Me na vakatikitikitaki e dua na Soqoni ni Cakacaka ni vula o Okotova me railesuvi kina na veitikina bibi ena porokaramu ni soqo ni tikina. Nida vakarautaki keda ena veivosaki oqo, meda vakavola e so na ka yaga eda vulica, okati kina e so na ka eda na via vakaitovotaka sara ga ena noda bula kei na kena eda na vakayagataka ena cakacaka vakaitalatala. Da qai vakayaloqaqataki ira na tacida ena noda vakamacalataka na sala eda sa vakayacora tiko kina na veika eda vulica ena soqo ni tikina.

Macawa me Tekivu ena 8 Sepiteba

Sere 10

10 min: Veika me kacivaki kei na kena e digitaki mai na Noda Cakacaka Vakaitalatala. Uqeti ira kece mera raica lesu na veika era vakavola ena soqo ni tabacakacaka ena yabaki vakacakacaka sa oti, mera qai vakarautaka mai ena Soqoni ni Cakacaka e tarava. Me rua na vakatasuasua me taurivaki kina na vakatutu ena tabana 6, me dua e taurivaka Na Vale ni Vakatawa, 15 Sepiteba, kena ikarua na Yadra!, Okotova-Tiseba. Me dua na vakatasuasua me vakamacala tiko kina e dua na gonevuli se dua na itubutubu vua na qasenivuli.

10 min: iVola Mai na Valenivolavola ni Tabana. Me rau veitalanoa tiko e dua sa dede na nona dautukutuku, ena vinaka sara ke qase ni ivavakoso, kei na dua na dautukutuku gone. Me taroga na dautukutuku gone, se sa raica o koya na dautukutuku matua na ivola mai na valenivolavola ni tabana e koto ena Cakacaka Vakaitalatala. Me qai vakamacalataka o koya sa dede na nona dautukutuku tiko ni ivola vaka oqo e dau lewe tale ga ni Cakacaka Vakaitalatala ni veiyabaki ni 1960 kei na 1970. Me rau qai veivosakitaka na veitikina bibi ena ivola oqo e koto ena tabana e liu.

10 min: “Vulici na iVola na Qarava na Kalou.” Me vosa e dua na ivakatawa ni vulivola. Veivosakitaka na ituvatuva ni vuli. Ni veivosakitaki na parakaravu 4, okata na ivakamacala ena ivola na Vuli Vunau, tabana 28, parakaravu 1, kei na tabana 70.

15 min: “Soqoni Vata Meda Vakacaucautaki Jiova.”a Taroga na taro e vakarautaki. Uqeti ira kece mera tiko ena gauna kece ni soqo, mai na mataka ni Vakaraubuka ina yakavi ni Sigatabu. Vakabibitaka ni dodonu meda kua ni rogoca wale ga ia meda muria sara ga. Me dikevi na ka me nanumi e toka e cake, me baleta na ka me na caka ena dua na Soqoni ni Cakacaka ni Okotova me railesuvi kina na ka eda na vulica ena Soqo ni Tikina. Uqeti ira kece mera vakatoqa na veitikina bibi.

Sere 170 kei na masu.

Macawa me Tekivu ena 15 Sepiteba

Sere 199

10 min: Veika me kacivaki. Ripote ni akaude.

15 min: “Mo iVakaraitaki ena Cakacaka Vinaka.”b Taroga na taro e vakarautaki. Vakamacalataka na vuna e bibi kina me lokomi na noda itovo kei na noda isulusulu.

20 min: “Nuitaki Jiova, Cakava na Ka e Vinaka.” (Same 37:3, NW) Me vakaitavi tale ga kina na vakarorogo me yavutaki mai na taro e koto oqo, ni na vakavotui kina na tikina bibi e veivosakitaki ena porokaramu ni soqo ni tabacakacaka ena yabaki vakacakacaka sa oti. Sureti ira na vakarorogo mera tukuna na veitikina bibi era vulica mai kina kei na sala era sa muria yadudua tiko kina, se vakavuvale. Me veivosakitaki na usutu oqo: (1) “Nuitaki Jiova.” Cava e bibi kina meda vakaraitaka noda nuitaki Jiova ena basoga ni noda bula kece? (it-2 t. 521) Sala cava e rawa ni vukei keda kina na Watch Tower Publications Index? (2) “Qarauni Iko Mai na Veika Wale.” (Dauv. 2:4-8, 11) Na ka wale cava meda qarauni keda mai kina, eda na cakava vakacava? (3) “Cata na Ka Ca, Cakava na Ka e Vinaka.” Cava e bibi kina meda muria na ivakatagedegede i Jiova? (Aisea 5:20) Na cakacaka vinaka cava meda vakaogai keda kina? (4) “Meda Nuitaki Jiova Tiko Ga.” Cava ena vukei keda meda tudei tiko ga kina ena veivakatovolei kei na veitemaki? Cava ena vinakati kina meda sa na laiva mada ga e so na ka vei Jiova? (5) “O na Dua Beka O Vakadonui Mo Lewe ni Matanitu ni Kalou?” (Kolo. 1:10) Cava e so na ivakaraitaki mai na iVolatabu ena uqeti keda meda muria tiko ga kina na sala i Jiova? (6) “Nuitaka na Vosa ni Yalayala i Jiova.” Nida cakava oqori ena cakayaco vakacava ina noda bula?

Sere 58 kei na masu.

Macawa me Tekivu ena 22 Sepiteba

Sere 7

10 min: Veika me kacivaki. Me dua na vakatasuasua me taurivaki kina na vakatutu ena tabana 6, me taurivaki Na Vale ni Vakatawa, 1 Okotova. Me rau vunau tiko ena talevoni e dua na qase ni ivavakoso kei na dua e vakaleqai na ituvaki ni yagona.

15 min: Cava Eda Rawata ena Yabaki sa Oti? Me vakamacalataka na ivakatawa ni cakacaka na ripote ni ivavakoso ni yabaki vakacakacaka ni 2003. Vakavinavinakataka na ivavakoso ena veika vinaka era rawata. Okata tale ga e so na tikina mai na nona ripote na ivakatawa ni tabacakacaka ena nona veisiko sa oti. Tukuna e dua se rua na isausau veiganiti ena yabaki vou.

20 min: “Ra iTabagone​—Yavutaka Dei Nomuni Bula Mai Muri.”c Me nona itavi e dua na qase, vakayagataka na taro e vakarautaki. Ni veivosakitaki na parakaravu 5, vakabibitaka na marau kei na veivakalougatataki ni cakacaka vakaitalatala vakatabakidua.

Sere 39 kei na masu.

Macawa me Tekivu ena 29 Sepiteba

Sere 194

10 min: Veika me kacivaki. Vakadreti ira na dautukutuku kece mera solia nodra ivolatukutuku ni cakacaka ni vula o Sepiteba. Tukuna na ivola me soli ena vula o Okotova. Me dua na vakatasuasua lekaleka ena kena tekivutaki e dua na vuli iVolatabu ena brochure na Loma ni Kalou.

15 min: Veika e gadrevi ena ivavakoso.

20 min: “Mo Yalomalumalumu.”d Sureti ira na vakarorogo mera vakamacalataka na sala e rawa nira vakayagataka kina na tikinivolatabu era koto ena ulutaga oqo.

Sere 224 kei na masu.

Macawa me Tekivu ena 6 Okotova

Sere 170

10 min: Veika me kacivaki. Meda saga vakaukaua ena vula oqo meda tekivuna e dua na vuli iVolatabu. Railesuva vakalekaleka na Noda Cakacaka Vakaitalatala, Me 2002, tabana 1, parakaravu 1.

15 min: “Me Liu ga na Ka e Dodonu me Liu!” Me dua na vosa ra vakaitavi tale ga na vakarorogo me yavutaki mai Na Vale ni Vakatawa, 1 Sepiteba, 1998, tabana 19-21. Tukuna na veitikinisiga sa tuvai oti tu me baleta na veisoqo vakalou ena vakayacori ena vica na vula mai oqo, qai uqeti ira kece mera vakatakilakilataka na veitikinisiga oqori ena nodra ivolanivula. Sureti ira na vakarorogo mera vakamacalataka na ka era cakava mera vakadeitaka kina mera kua ni calata na isolisoli vakayalo vaka oqo.

20 min: Saqata na iDre ni Veimurimuri. Vakataroga e dua na qase se dua na dauveiqaravi vakaitalatala e susugi ena dua na vuvale lotu Vakarisito. Me kau cake tale ga mai e so na tikina e digitaki mai Na Vale ni Vakatawa, 15 Feperueri, 2003. Na idre cava e dau sotava na tacida e vakatarogi tiko oqo mai koronivuli ena gauna se vuli kina? (t. 24 p. 3; t. 25 p. 4-5) A dau vakamuai cala beka mai vei ira e so? (t. 26 p. 4-6) E se sotava tiko beka ga na idre ni veimurimuri ena gauna oqo ni sa uabula? Cava e vukei koya me saqata rawa kina na idre ni veimurimuri? Me tini ena dua na vosa lekaleka e yavutaki ena Vale ni Vakatawa, 1 Okosita, 1999, tabana 24-5, vakabibitaka na yaga ni noda qara na veimaliwai vinaka.

Sere 26 kei na masu.

[iVakamacala e ra]