Ituvatuva Ni Soqoni Ni Cakacaka
Macawa me Tekivu ena 12 Janueri
Sere 224
10 min: Veika me kacivaki kei na kena e digitaki mai na Noda Cakacaka Vakaitalatala. Me rua na vakatasuasua me taurivaki kina na vakatutu ena tabana 4, me dua e taurivaka Na Vale ni Vakatawa, 15 Janueri, kena ikarua na Yadra!, Janueri-Maji. Ia ni caka na vakatasuasua yadua, me rau soli vata na ivoladraudrau ruarua, dina ni na vakamacalataki ga e dua. Ni oti e dua na vakatasuasua, tukuna e so na ka e totoka kina na iwalewale e vakatututaki oqo.
15 min: “Yaga ni Vuku Vakalou.”* Ke levu na gauna, sureti ira na vakarorogo mera vakamacala ena tikinivolatabu e sega ni lavetaki.
20 min: Ciqomi ena Marau na iVola Vou! Vakaitavi kina na vakarorogo. Eda marau nida taura e rua na ivola vou ena Soqo ni Tikina e kena usutu “Vakalagilagia na Kalou.” Na ivola “Raica na Vanua Vinaka” e duatani toka mai na ivola vakaivolatabu tale e so. E tu ena taqaniveva kece na ivakamacala matata me baleta na Vanua Yalataki. Vakamacalataka e so na ka e laurai ena mape. Tukuna e so tale na sala e yaga kina na ivola oqo. Na ivola Vuli Vua na Qasenivuli Levu, ena vakavinakataka na nodra bula vakayalo na luveda. Tukuna e so na ulutaga veiganiti ena gauna oqo, qai vakaraitaka na sala ena yaga kina vei ira na itubutubu kei ira na gone. Sureti ira na vakarorogo mera vakamacalataka na sala e sa yaga tiko kina vei ira na ivola e rua oqo.
Sere 186 kei na masu.
Macawa me Tekivu ena 19 Janueri
Sere 95
5 min: Veika me kacivaki.
10 min: Kato ni Taro. Nona itavi e dua na qase.
15 min: Veika e gadrevi ena ivavakoso.
15 min: “Mera Vukei Vakacava na Watidra na Tacida Vakayalo Era Sega ni Tiko ena Dina?”* Vakataroga e dua se rua na tacida erau mai dua na dauveiqaravi i Jiova ena vuku ni nodrau ivakaraitaki vinaka na kedrau isa erau ciqoma e liu na dina.
Sere 73 kei na masu.
Macawa me Tekivu ena 26 Janueri
Sere 158
12 min: Veika me kacivaki. Ripote ni akaude. Vakadreti ira na dautukutuku kece mera solia nodra ivolatukutuku ni cakacaka ni vula o Janueri. Me dua na vakatasuasua me taurivaki kina na vakatutu ena tabana 4, me taurivaki Na Vale ni Vakatawa, 1 Feperueri, me rau soli vata na ivoladraudrau ruarua, dina ni na vakamacalataki ga Na Vale ni Vakatawa. Me vakatasuasuataki na kena soli tiko na ivoladraudrau vua e dua eda tiko veitikivi.
15 min: Muria na Vosa ni Kalou e Veisiga. Me dua na vosa ra vakaitavi tale ga na vakarorogo. Uqeti ira kece mera vakayagataka vinaka na Dikeva na iVolatabu e Veisiga—2004. Tukuna na veika e vakamacalataki ena tabana 3-4. Tarogi ira na vakarorogo se gauna vinaka cava era dau dikeva kina na iVolatabu e veisiga. Veivosakitaka na tikinivolatabu nikua kei na kena ivakamacala. Sureti ira na vakarorogo mera vakamacalataka na sala ena yaga kina vei keda na ivakamacala. Ni veivosakitaki na tikinivolatabu e veisiga, uqeti ira kece mera dau veivosakitaka vakalekaleka na sala mera vakaitovotaka kina.
18 min: Veitokani kei Ira Eda Vakabauta Vata. (Vkai. 18:24; 27:9) Me dua na vosa ra vakaitavi tale ga na vakarorogo, me yavutaki ena Vale ni Vakatawa, 1 Tiseba, 2000, tabana 22-3. Dua na ka e vinaka ena noda sokalou oya nira tu kina o ira na noda itokani dina. Dau veivakayaloqaqataki dina noda veimaliwai kei ira noda itokani ena soqoni, na cakacaka vakavunau, kei na so tale na vanua. Cava meda cakava meda veitokani kina kei ira na so ena ivavakoso? Raica na kato “Ono na Sala me Dei Kina na Nomu Veitokani kei na Dua Tale,” qai sureti ira na vakarorogo mera vakamacalataka na kena muri na ono na sala oqori ena noda veitaratara kei ira na tacida.
Sere 177 kei na masu.
Macawa me Tekivu ena 2 Feperueri
Sere 204
10 min: Veika me kacivaki. Tukuna na ivola me soli ena Feperueri. Veivosakitaka na vakatutu ni kena soli na Toro Voleka Vei Jiova e koto ena kato ena tabana 3 ni Noda Cakacaka Vakaitalatala.
20 min: “Qarauna Matua Nomu Dau Vakayagataki Gauna.”* Sureti ira na vakarorogo mera vakamacalataka na ka era dau cakava me kua kina ni vakalatilati na veika e sega soti ni yaga ena nodra veika vakayalo.
15 min: Vakadamurimuri Paula me Vaka na Nona Muri Karisito. (1 Kor. 11:1) Vakaitavi na vakarorogo. Me vakataki Jisu ga, e dau tu vakarau o Paula me vunau vei ira e “sota kaya.” (Caka. 17:17) Eda rawa ni cakava vakacava oqo ena noda yalava? O cei eda na “sota kaya” nida lai volivoli, e valenicakacaka, e koronivuli, se nida vodo basi? O cei eda na sotavi ira nida tiko e vale? Sureti ira na vakarorogo mera vakamacalataka na nodra vunau ena gauna era cakava tiko ga kina na nodra itavi era dau qarava e veisiga.
Sere 151 kei na masu.
* Me kua ni sivia na dua na miniti na ikau ni vosa, veitarotarogi sara.