Ituvatuva Ni Soqoni Ni Cakacaka
Macawa me Tekivu ena 9 Feperueri
Sere 225
10 min: Veika me kacivaki. Me rua na vakatasuasua me taurivaki kina na vakatutu ena tabana 8, me dua e taurivaka Na Vale ni Vakatawa 15 Feperueri, kena ikarua na Yadra!, Janueri-Maji. Ia ni caka na vakatasuasua yadua, me rau soli vata na ilavelave ruarua, dina ni na vakamacalataki ga e dua. Ena dua na vakatasuasua me nona iulubale na itaukeinivale “Sa tiko noqu lotu.”—Raica Na Sala me Tekivu Qai Tomani Kina na Veivosaki ena iVolatabu, tabana 10-11.
10 min: “Me Yaga Nomu Vulica na iVola Toro Voleka Vei Jiova.” Me vosa e dua na ivakatawa ni Vulivola ni iVavakoso. Ni veivosakitaki na parakaravu 2, veivosakitaka na ituvatuva ni vuli. Ni veivosakitaki na parakaravu 3, wilika qai veivosakitaka na parakaravu 23 ena tabana 25 ni ivola oqo.
25 min: “Tukuna Tiko ga na Cakacaka Veivakurabuitaki i Jiova.”* (Parakaravu 1-10) Me nona itavi na ivakatawa ni cakacaka. Taroga na taro e vakarautaki. Uqeti ira mera vakalevutaka na nodra cakacaka vakavunau ena vula ni iVakananumi.
Sere 90 kei na masu.
Macawa me Tekivu ena 16 Feperueri
Sere 41
10 min: Veika me kacivaki kei na kena e digitaki mai na Noda Cakacaka Vakaitalatala.
15 min: “Na Cakacaka e Tokona na Kalou.”* Okata na ivakamacala mai na ivola Proclaimers, tabana 547-8.
20 min: “Tukuna Tiko ga na Cakacaka Veivakurabuitaki i Jiova.”* (Parakaravu 11-17) Taroga na taro e vakarautaki. Me dua na vakatasuasua lekaleka ena nona sureta tiko na dautukutuku e dua na tataleitaki ina iVakananumi.
Sere 75 kei na masu.
Macawa me Tekivu ena 23 Feperueri
Sere 118
10 min: Veika me kacivaki. Ripote ni akaude. Me rua na vakatasuasua me taurivaki kina na vakatutu ena tabana 8, me dua e taurivaka Na Vale ni Vakatawa, 1 Maji, kei na ikarua na Yadra!, Janueri-Maji. Ia ni caka na vakatasuasua yadua, me rau soli vata na ilavelave ruarua, dina ni na vakamacalataki ga e dua. Ena dua na vakatasuasua, taroga e dua na taro e vakavure vakasama me qai saumi ena veisiko e tarava ena kena vakayagataki na brochure Loma ni Kalou.
15 min: “E Bibi na Soqoni Wasoma.”* Vakarautaka rawa tu e dua se rua me rau vakamacalataka na sasaga e rau dau cakava me rau kua kina ni dau calata na soqoni.
20 min: Vakacaucautaki Jiova “ena Loma ni iVavakoso.” Mera vakaitavi kina na vakarorogo, me yavutaki ena Vale ni Vakatawa, 1 Sepiteba, 2003, tabana 19-22. (1) Cava e kau cake mai ena Same 22:22, 25, e vakabibitaki kina noda dau vakamacala ena soqoni? (2) Cava e bibi kina na masu? (3) Cava e bibi kina na vakavakarau? (4) Na isausau cava e dodonu meda sauva kece ena soqoni? (5) Cava e vinaka kina na dabe toka e liu ena soqoni? (6) Cava e bibi kina noda rogoca na ka era tukuna na so? (7) Sala cava eda rawa kina ni vakamacala ena noda vosa ga? (8) E rawa ni veivakauqeti vakacava vei ira tale na so na noda vakamacala? (9) Na itavi bibi cava e vakacolati vei koya e taura na soqoni?
Sere 81 kei na masu.
Macawa me Tekivu ena 1 Maji
Sere 156
10 min: Veika me kacivaki. Vakadreti ira na dautukutuku kece mera solia nodra ripote ni cakacaka ni vula o Feperueri. Tukuna na ivola me soli ena vula o Maji, qai railesuva vakalekaleka na vakatutu e koto ena itoma ni Noda Cakacaka Vakaitalatala, Janueri 2002.
15 min: Veika e gadrevi ena ivavakoso.
20 min: “Rawa Nida Cakava na Veika e Vinakata Vei Keda o Jiova.”* Taroga na taro e vakarautaki. Ke levu na gauna, vakamacalataka na tikinivolatabu e sega ni lavetaki.
Sere 98 kei na masu.
* Me kua ni sivia na dua na miniti na ikau ni vosa, veitarotarogi sara.