Kato ni Taro

◼ E veiganiti beka meda vakarautaka e dua na ivola mera tiko kece kina na itavi ena Koronivuli ni Vuli Vunau kei na kedra ivakamacala matailalai, da qai veisoliyaka vei ira na mataveitacini?

E rawa nida cakava oqo meda vakayagataka ga e vale, se soli vei ira e vica ga na noda itokani voleka. Ia me kua ga ni veisoliyaki raraba tu vei ira na mataveitacini, se meda rawa ilavo kina baleta ni vakatabui ena lawa ni tabaivola.​​—⁠Roma 13:⁠1.

E so na itavi ena Koronivuli ni Vuli Vunau e volai tu ga na ulutaga, e sega ni volai na ivolanivuli meda raica. Ena veiganiti beka me na vakekeli ga e dua na tacida qai vola na itabataba kece ni Vale ni Vakatawa se ivola cava tale e rawa ni yavutaki kina na ivakamacala ni ulutaga vaka oqo, qai veisoliyaka vei ira e nodra na itavi? E sega. E sega tale ga ni vinaka me kumuna vata e dua na tacida na isaunitaro ni Railesuvi ni Koronivuli ni Vuli Vunau qai veisoliyaka vei ira e so tale. Me rawa ni kasa vei ira na ka era vulica e dodonu mera cakava ga na nodra dui vakekeli. Oqo e tiki bibi ni veivakavulici e vakarautaka o Jiova ena koronivuli, me vukei keda meda madila ena vosa ni tiko vei keda na “yame sa vakavulici.”​​—⁠Aisea 50:⁠4.