iTuvatuva ni Macawa e Tekivu ena 10 Maji

Macawa e Tekivu ena 10 Maji

Sere 131

10 min: Veika me kacivaki. Taurivaka na vakatutu ena tabana e 6 se dua tale na vakatutu e ganita na yalava, me vakatasuasuataki na soli ni Vale ni Vakatawa, Janueri-Maji, 2008 kei na ivola ni veisureti ina iVakananumi.

20 min: Vuna Meda Dau Tiko Kina ena Soqoni. Me dua na vosa ra vakaitavi tale ga na vakarorogo, me yavutaki ena Vale ni Vakatawa, 15 Me, 2007, tabana e 11-​13. Kerei ira na vakarorogo mera vakamacalataka na yaga ni nodra dau tiko ena soqoni, kei na ka era cakava mera kua ni calata na soqoni, dina ga ni dau yaco e so na ituvaki e dau via vakataotaka nodra tiko kina.

15 min: “Tiko na Ka Eda Rawa ni Solia Vei Jiova.”* Ke levu na gauna, kerei ira na vakarorogo mera vakamacala ena tikinivolatabu e sega ni lavetaki.

Sere 8

Macawa e Tekivu ena 17 Maji

Sere 144

10 min: Veika me kacivaki kei na kena e digitaki mai na Noda Cakacaka Vakaitalatala. Tukuna vei ira na vakarorogo mera kauta mai ena Soqoni ni Cakacaka e tarava Na Vale ni Vakatawa, Epereli-June, 2008, kei na Yadra!, Epereli-June, 2008. Mera vakarautaka tiko ni na veivosakitaki kina na vakatutu e ganita na yalava.

15 min: Kato ni Taro. Me nona itavi e dua na qase. Me wiliki qai veivosakitaki.

20 min: “Eda na Vukei Ira Vakacava Era Lako Mai ena iVakananumi?”a Ni veivosakitaki na parakaravu 5, me vakatasuasuataki vakalekaleka na kena tekivutaki na vuli iVolatabu kei na dua na vulagi a tiko ena iVakananumi.

Sere 214

Macawa e Tekivu ena 24 Maji

Sere 111

10 min: Veika me kacivaki. Wilika na ripote ni akaude kei na ivola e vakavinavinakataki kina na cau.

15 min: Tu Vakarau Mo Solia Na Vale ni Vakatawa kei na Yadra! Vou. Mera vakaitavi na vakarorogo. Ni o vakamacalataka oti vakalekaleka na ilavelave vou ni Vale ni Vakatawa, Epereli-June, 2008, kei na Yadra!, Epereli-June, 2008, tarogi ira na vakarorogo se ulutaga cava era na taleitaka na tiko ena noda yalava, kei na cava na vuna. Kerei ira na vakarorogo mera tukuna na tikina era na vakarautaka mera na solia kina na ilavelave qo. Cava e rawa ni tarogi me tekivu kina na veivosaki? Na tikinivolatabu cava e tiko ena ulutaga e rawa ni wiliki? Me qai vakatasuasuataki na soli ni Vale ni Vakatawa, Epereli-June, 2008, kei na Yadra!, Epereli-June, 2008, ni vakayagataki na vakatutu e ganita na yalava.

20 min: Eda Kauta na iRogorogo Vinaka ni Ka Vinaka. Ni oti na ikaunivosa e sega ni sivia na dua na miniti, me vosa e dua na qase e yavutaki ena Vale ni Vakatawa, 1 Julai, 2005, tabana e 18-​19, parakaravu 10-​14. Sureti ira na vakarorogo mera vakamacalataka na kena tarai ira na itukutuku vinaka ena imatai ni gauna era rogoca kina.

Sere 29

Macawa e Tekivu ena 31 Maji

Sere 37

10 min: Veika me kacivaki. Vakadreti ira na dautukutuku mera solia nodra ripote ni vula o Maji.

20 min: Vakayagataka Vinaka na Yearbook ni 2008. Me dua na vosa ra vakaitavi tale ga na vakarorogo. Vakamacalataka vakalekaleka na “iVola Mai na iLawalawa Dauvakatulewa,” e tiko ena itoma ni Noda Cakacaka Vakaitalatala qo. Vakarautaka rawa tu e vica na dautukutuku me ratou tukuna e so na ripote kei na ivakaraitaki eratou raica ni veiuqeti qai vakaukauataka nodratou vakabauta. Uqeti ira kece na vuvale mera wilika tasevu na Yearbook, ia me caka vakalalai ena loma ni yabaki. Ia ke dredre na wilika na kena vakavalagi, me lesi e dua na lewenivuvale e kila vinaka na vosa vakavalagi me wilika qai vakamacalataka vakaViti. Vakatura e so na tikina e rawa nida vakayagataka kina meda vakamuai ira na ka vou ina isoqosoqo i Jiova, vaka kina ena soqoni.

15 min: “Veivauqeti ena Cakacaka Vakavunau”b

Sere 122

Macawa e Tekivu ena 7 Epereli

Sere 186

10 min: Veika me kacivaki.

20 min: Na Cava O Yaraka Balavu Tiko Kina na Nomu Papitaiso? Me vosa e dua na qase, me yavutaka ena Vale ni Vakatawa, 1 Julai, 2006, tabana e 29-​30, parakaravu 14-​17. Me qai vakatarogi vakalekaleka e dua se rua na dautukutuku rau a papitaiso ni rau se itabagone. Na cava e uqeti rau me rau kalawaca kina na vakatulewa bibi qo? E itataqomaki vakacava vei rau ena nodrau toso vakayalo?

15 min: O Sa Veisureti Vakadodonu? Dua na vosa ra vakaitavi tale ga na vakarorogo, me yavutaki ena itoma ni Noda Cakacaka Vakaitalatala, Janueri 2002, tabana e 6. Veivosakitaka e so na vakatutu era tiko kina, kei na tikina e rawa ni veisautaki me tekivutaki kina na vuli iVolatabu ena ivola Kaya na iVolatabu. Me qai dua se rua na vakatasuasua. Uqeti ira na vakarorogo mera saga ni veisureti vakadodonu ena macawa e tarava mera tekivutaka e dua na vuli iVolatabu ena ivola Kaya na iVolatabu.

Sere 225

[iVakamacala e ra]