Meda Maqosa Tiko ga ena Cakacaka Vakaitalatala​—Vakavulici Ira na ka Vou

Vuna e Bibi Kina: Bibi mera vakavulici na tisaipeli vou i Jisu mera muria “na ka kece” e vakaroti vei ira, okati kina nodra vakavulica na ka dina. (Maciu 28:19, 20) Levu vei ira na ka vou era sa rawata na ivakatagedegede mera curu ena Koronivuli ni Vuli Vunau ra qai vunau tawalokuci vei ira nodra vuvale kei na nodra itokani. Ni toso tiko nodra taleitaka na ka era vulica ra qai kila ni vinakata o Jiova mera kila kece na tamata na itukutuku vinaka, ena yaco na gauna mera vakaraitaka kina nira sa via gole ena vunau. (Roma 10:13, 14) Nira sa vakadonui na ka vou mera dua na dautukutuku bera ni papitaiso, era na yalodei nira vakavulici vinaka ni bibi qori ena nodra toso vakayalo.​—Luke 6:40.