iTukutuku ni Vunau ena Yabaki sa Oti

NI VAKAMACALATAKA na veika ena cakava o Jiova ena vuku ni nona Matanitu, e kaya na Aisea 9:7: “Na yalogu i Jiova ni lewe vuqa ena vakayacora qo.” Na Tui ni Matanitu qori o Jisu Karisito, a tokona tale ga ena yalogu na sokalou dina ena nona cakacaka vakaitalatala e vuravura. (Joni 2:17) O na wilika eke na itukutuku ni nodra cakacaka na iVakadinadina i Jiova e veiyasa i vuravura. Era vakatotomuria na yalogu i Jiova kei Jisu ena nodra vukei ira eso tale mera vakila na nona loloma na Tamada vakalomalagi.