iVakananumi—Vakaraubuka, 3 Epereli, 2015
NI SE vo tu e va na macawa me vakananumi na mate i Jisu Karisito, era sa tekivu veisureti na ivavakoso e veiyasa i vuravura ena Vakarauwai, 7 Maji, 2015. Era sureti kina e levu mera tomani keda ena soqo qori, mera rogoca tale ga na ivunau me baleta na yaga ni nona mate o Jisu ena vukuda. Eso e soli sara ga vei ira na ivola ni veisureti, eso tale era qiriti se vakau vei ira na ivola ni veisureti. Vakacava a ciqomi na veisureti? Eda marau na iVakadinadina i Jiova nira mai tiko kei keda ena Vakaraubuka, 3 Epereli e le 19,862,783. Sa sasagataki tiko mera vukei o ira kece na tiko ena soqo bibi qori mera soqoni wasoma kei keda, mera qarava na Kalou dina me rawa nira vakila tale ga na loloma kei na veivakalougatataki i Jiova.—Maika 4:2.