DIGOVI VURAVURA

Vuravura

E sa sega ni iwali ni leqa ni kakana na kena tei vakalevu na kakana. E tukuni nira sa tea na dauteitei ena gauna qo na kakana e rawa ni vakani kina e 12 na bilioni na tamata​—⁠qori e sivia na iwiliwili ni lewenivanua e vuravura ena 5 na bilioni. Na vuna e sega ni wali rawa kina na leqa qori, baleta ni sa volitaki na kakana me rawa kina na ilavo, sega ni wasei vakatautauvata, qai vakasabusabutaki.

Peritania kei Merika

Nira vakatarogi na cakacaka ena tabana ni ilavo, era vakabauta e voleka ni 24 na pasede “ni na rairai gadrevi mera cakacaka vakailawaki mera rawaka kina.” Era vakadinata e tinikaono na pasede nira na basulawa “ke ra sega ni tobo.”

Argentina

Ena vuku ni lomaocaoca kei na kena vakayacori na itovo kaukaua ena vanua ni cakacaka, era kerea kina e 3 mai na 5 na qasenivuli e Argentina mera livi.

Sauca Korea

Wale tiko ga qo era vinakata na lewenivanua e Sauca Korea mera sa tu duadua ga, era sega ni vinakata mera bula vata kei na dua.

Jaina

E vinakata na matanitu o Jaina ena 2016 me kua ni vakadukai tale tiko na cagi ekea, ia e nanumi ni levu na siti e Jaina era na sega ni yacova na ivakatagedegede qori. E laurai tale ga ni sa qai “duka ga vakalevu” na waivure e vakayagataki me wainigunu.