Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • g 4/14 t. 3
  • Digovi Vuravura

Sega na kena vidio.

Vosota, sega ni laurai rawa na vidio.

  • Digovi Vuravura
  • Yadra!—2014
  • Ulutaga Lailai
  • iKuri ni Ulutaga
  • Merika
  • Vuravura
  • Yanuyanu o Midway
  • Sauca Aferika
  • iWalewale ni Nona Vuka na Albatross
    Yadra!—2013
  • E Dua na Leqa Vakaitamera
    Yadra!—2003
  • Na Vu Dina ni Leqa, Kei na Kena Cakayaco
    Yadra!—2003
Yadra!—2014
g 4/14 t. 3

DIGOVI VURAVURA

Merika

Cakacaka vata na cina ni dua na gaunisala ena siti

Sa porokaramutaki mera cakacaka vata kece na 4,500 na cina ni gaunisala ena yasayasa volekata na siti o Los Angeles, e Kalifonia, me kua ni tao kina na toso ni lori kei na motoka e gaunisala. E kaya na niusiveva na New York Times, o Los Angeles e “imatai ni siti levu e vuravura me cakava qori.”

Vuravura

Ena dua na vakadidike a vakayacori e veiyasa i vuravura, e laurai ni tubu ena 82 na pasede na kedra iwiliwili na levulevu sivia me tekivu mai na 1990 ina 2010. O ira era mate ena levulevu sivia e voleka ni vakatolutaki se sivia na kedra iwiliwili ni vakatauvatani kei ira era mate ena kana vakaca, ia e se leqa tu na kakana ena levu na vanua. E kaya o Majid Ezzati e dua vei ira na liutaka na vakadidike, “se lailai na kakana e vuravura ena 20 na yabaki sa oti, ia qo sa sivia tale qai sega ni bulabula na kakana ena veivanua mada ga era vakatorocaketaki tiko, e vakavu tauvimate tale ga vei keda.”

Yanuyanu o Midway

Dua na mataqali ganilau na Laysan albatross

E dua na mataqali ganilau na Laysan albatross e tukuni ni “manumanuvuka bula dede duadua e vuravura” sa saulaka tale e dua na nona yaloka. Sa yabaki vica na manumanu qo? Era vaqatotaka na saenitisi ena 1956 na yavana ni se yabaki lima, kena ibalebale sa yabaki 60 vakacaca ena gauna qo. E rauta ni 2 ina 3 na milioni na kilomita na yawa ni vanua sa vukaca ena nona bula taucoko—e tautauvata kei na nomu lako vakava se vakaono ina vula.

Sauca Aferika

E boroya tiko na matana e dua na marama ni Sauca Aferika ena kirimu e dau vakavulavulataka na kuliniyago

E tukuni ena dua na vakadidike nira vakayagataka e dua na ikatolu na marama ni Sauca Aferika na kirimu kei na sovu e dau vakavulavulataka na kuliniyago. Ia na kirimu kei na sovu qori e vakavuleqa, sa vakatabui kina ena so na matanitu. E rawa ni vakavuna na veimataqali kenisa, leqa ni ivi, lomabibi, nuiqawaqawa, bubuta na yago qai vakamawe tu.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta