Kua ni Soro!

KE O sotavi Diana,a o na raica ni goneyalewa vuku, dauveikauaitaki qai mamarau. E rawarawa na veimaliwai kei koya qai vaka me marautaka tu na nona bula, ia levu na gauna e lomabibi. E kaya: “Au dau vakasamataka e veisiga na mate. Au vakabauta ni na vinaka cake na bula e vuravura keu yali.”

E tukuna o Diana ni na sega ni vakamatei koya. Ia eso na gauna e nanuma ni sega na betena me bula tiko. E kaya: “Au vinakata sara ga meu mate vakacalaka. Sa noqu itokani o mate—sega ni kequ meca.”

E levu era duavata kei Diana, eso era dau vakasamataka se ra saga mera vakamatei ira. Ia era kaya na kenadau ni levu vei ira qori e sega ni lomadra mera mate, era vinakata ga me oti na nodra rarawa. Era vakabauta ni tiko na vuna mera mate kina, sa qai vo me tukuni vei ira e dua na vuna mera bula tiko ga kina.

Cava mo kua kina ni soro? Raica mada e tolu na vuna.