2. Meda Beitaki Nida Vakavuna Noda Rarawa?

Vuna e Bibi Kina

Ke dina na vakasama qori, de dua e tu vei keda na kaukaua meda vakalailaitaka na rarawa.

Eda vakavuna vakacava na rarawa ena so na ituvaki qo?

Veivakalolomataki.

E kaya na World Health Organization (WHO), e rauta ni 1 ina 4 na uabula era vakalolomataki nira se gone, kei na 1 ina 3 na yalewa era vakalolomataki se vakasagai ena dua na gauna.
Rarawa Vakabalavu.

E kaya na World Health Statistics ni 2018 e tabaka na WHO, nira “labati e rauta na le 477,000 e veiyasa i vuravura ena 2016.” E wili tale ga kina e 180,000 na lewenivanua e nanumi nira mate ena ivalu, kei na tiko yavavala ena yabaki qori.
Tauvimate.

E vola o Fran Smith ena dua na ulutaga ena mekesini na National Geographic: “Era vakatavako e sivia ni dua na bilioni na lewenivanua. E laurai tale ga na vakatavako e vakavuna na mate ni uto, strouk, cegu oca, mate ni yatevuso, kei na kenisa ni yatevuso.”
Veivakaduiduitaki.

E kaya o Jay Watts e dau dikeva na ivakarau ni bula: “Dua na ka e vakavuna vakalevu na leqa ni vakasama, oya na bula dravudravua, veivakalolomataki, veivakaduiduitaki, nodra beci na yalewa, nodra vakatalai eso mai na nodra vanua, kei na itovo vakavanua.”

MO KILA ESO TALE NA KA

Sarava ena jw.org na vidio, Na Cava e Bulia Kina na Kalou na Vuravura?

Levu na rarawa e yaco tiko nikua eda vakavuna ga.

E levu na rarawa qori era vakavuna na iliuliu voravora, era vakadredretaka kina na bula vei ira na lewenivanua.

‘Ni veiliutaki na tamata e tini ga ena leqa.’—DAUVUNAU 8:9.

E rawa ni vakalailaitaki noda rarawa.

Qo na ivakavuvuli vakaivolatabu ena yaga ena noda bula vakayago, kei na noda veimaliwai kei ira eso tale.

“Na yalovinaka e bulabula kina na yago, ia na yalovuvu e vuca kina na sui.”—VOSA VAKAIBALEBALE 14:30.

“Me kau tani vei kemuni na yaloca, na cudrucudru, na yalokatakata, na karakara, na vosavakacaca kei na ka ca kece va ya.”—EFESO 4:31.