O cei e lewa dina tiko na vuravura?

KA E KAYA NA IVOLATABU

“E lewa tiko na vunica na vuravura taucoko.”​—1 Joni 5:19, Vakadewa ni Vuravura Vou.

“E lako mai na Luve ni Kalou . . . me vaqeavutaka na cakacaka ni tevoro.”​—1 Joni 3:8, New Century Version.

KENA YAGA VEI IKO

Vakamacalataka vinaka na vu ni leqa e vuravura.​—Vakatakila 12:12.

Eda nuidei ni na vinaka cake na vuravura.​—1 Joni 2:17.

EDA RAWA NI VAKABAUTA NA KA E KAYA NA IVOLATABU?

Io, qo e tolu na vuna:

• Vakarau vakarusai na veiliutaki i Setani. Sa vakadeitaka tu o Jiova ni na tinia nona lewa tiko na kawatamata o Setani. E yalataka ni na ‘vakawabokotaki na Tevoro,’ qai tinimaka vakadua na ca e vakavuna o Setani.​—Iperiu 2:14.

• Na Kalou e digitaki Jisu Karisito me liutaka na vuravura. O Jisu e duatani sara ga mai vua na iliuliu yaloca qai daunanumi koya ga e liutaki vuravura tiko nikua. E yalataka na Kalou me baleta na veiliutaki vakatui i Jisu: “Ena lomana ko koya na tamata malumalumu ka dravudravua . . . Ena vakabula na yalodra mai na lawaki kei nai valavala kaukauwa.”​—Same 72:13, 14, Ai Vola Tabu.

• Sega ni lasu na Kalou. E kaya na iVolatabu: “E sega ni lasu rawa . . . na Kalou.” (Iperiu 6:18, Vakadewa ni Vuravura Vou) Ni yalataka o Jiova e dua na ka, e vaka sara ga e sa vakayacori oti! (Aisea 55:10, 11) “Ena biu laivi na turaga ni vuravura qo.”​—Joni 12:31.