Saumi na Taro Vakaivolatabu
Na cava eda dau caka ca kina?
O cei a uqeti Jisu me caka ca?—MACIU 4:8-10
Eda dau vinakata na bula veiyaloni, meda dau dina, meda yalovinaka tale ga. Cava ga e levu tiko kina na itovo voravora, na lewa ca, kei na veivakalolomataki? Levu ga na gauna eda rogoca na itukutuku vakadomobula. Vakacava, e veiuqeti tiko e dua ena kena dau vakayacori na veika ca?—Wilika 1 Joni 5:19.
Vakacava, a buli keda na Kalou o Jiova meda dau caka ca? Sega, a buli keda ga meda ucui koya, meda vakatotomuria na nona dauloloma. (Vakatekivu 1:27; Jope 34:10) Ia ena nona veidokai e solia tu kina vei keda na galala ni vakatulewa. Ni rau talaidredre na imatai ni noda itubutubu, rau sega kina ni vakatotomuri koya, rau tini ivalavala ca ga. E dewavi keda kina na ivalavala ca, vu ni noda dau via cakava na ka ca ena so na gauna.—Wilika Vakarua 32:4, 5.
Ena oti na caka ca?
E vinakata na Kalou meda cata na ka ca. (Vosa Vakaibalebale 27:11) E vakavulici keda gona meda kua ni cakava na ka ca qai dusimaki keda meda vakila na marau dina. Ia na gauna qo ena sega ni uasivi sara noda vakatotomuria na loloma ni Kalou.—Wilika Same 32:8.
E se vakatara tu na Kalou me yaco tiko e levu na ka ca ena dua na gauna lekaleka qo, meda rawa ni raica kece na kena itinitini ca. (2 Pita 3:7-9) Ia sa voleka sara qo mera vakatawai vuravura na lewenivanua mamarau era doka na Kalou.—Wilika Same 37:9-11.