SAUMI NA TARO VAKAIVOLATABU
Ena vakacava na noda veisiga nimataka?
Rawati vakacava na veikauaitaki ena mate i Jisu?
Sa qai torocake tiko ga na veika vakasaenisi eda saga. Ia vakacava noda saga meda dau veikauaitaki? Dredre toka qori ni levu nikua era dau nanumi ira ga, ra kocokoco tale ga. Sa vakarautaka tu gona na Kalou e dua na ivakarau ni bula e vinaka vakaoti meda na bula kina.—Wilika 2 Pita 3:13.
Vakamacalataki ena Vosa ni Kalou e dua na vuravura me baleta na gauna se bera mai. Era na bula ga kina o ira na dau veilomani, era na bula sautu, qai sega ni dua me vakacacani ira.—Wilika Maika 4:3, 4.
Ena vakaoti vakacava na noda dau nanumi keda ga?
A sega ni buli keda na Kalou meda dau nanumi keda ga. Na nona talaidredre na imatai ni tamata, sa sega kina ni bula uasivi. E vu sara ga mai vua na noda dau nanumi keda ga. Ia ena vakayagataki Jisu na Kalou meda rawata tale kina na bula uasivi.—Wilika Roma 7:21, 24, 25.
Me salavata kei na loma ni Kalou, e mate vakaisoro o Jisu me vosoti kina na revurevu ni talaidredre ni imatai ni tamata. (Roma 5:19) Ena vuku i Jisu eda na rawa ni bula ena dua na vanua sa na sega tale kina ni dua e nanumi koya ga me via cakava tale tiko na ka ca.—Wilika Same 37:9-11.