Meda Maqosa Tiko ga ena Cakacaka Vakaitalatala​—Veivakavulici ena Vidio

VUNA E BIBI KINA:

E rawa ni uqeta na lomadra na tamata na vidio ni rawai ira ena ka era raica kei na ka era rogoca. Qori e dreta na vakasama qai guiguilecavi dredre. E ivakaraitaki vinaka o Jiova ena vakayagataki ni ka e raici me veivakavulici kina.—Cak 10:9-16; Vta 1:1.

Na vidio E Tiko na Yaca ni Kalou?, O Cei e Vakavuna na iVolatabu?, kei na Eda Kila Vakacava ni Dina na iVolatabu? e okati tiko ena lesoni 2 kei na 3 ni brochure iTukutuku Vinaka. Na vidio Vuna mo Vulica Kina na iVolatabu, Na Cava e Dau Caka ena Vuli iVolatabu?, kei Na Cava e Caka ena Vale ni Soqoni? e uqeti ira na tamata mera vulica na iVolatabu se mera gole ena soqoni. E rawa ni vakayagataki tale ga eso na vidio balavu ena vuli iVolatabu.—km 5/13 3.

KENA IWALEWALE:

• Me download rawa tu na vidio o via vakaraitaka vei itaukeinivale

• Vakarautaka e dua se rua na taro me qai saumi ena vidio

• Drau sarava na vidio

• Veivosakitaka na tikina bibi

TOVOLEA QO:

• Cega na daku ni dua na tikidua mo vakaraitaka na code ena laurai kina na vidio Vuna mo Vulica Kina na iVolatabu

• Vakaraitaka na vidio Eda Kila Vakacava ni Dina na iVolatabu? qai vakamacalataka na lesoni 3 ena brochure iTukutuku Vinaka