Maroroya

E So na iWalewale ni Vunau e Veivale

iVakavakayagataki ni iToma Oqo

E levu na iwalewale oqo era sa tabaki oti ena Noda Cakacaka Vakaitalatala ni Matanitu. Tovolea mada e so ena nomu cakacaka vakavunau, mo raica na kena vinaka. Maroroya na itoma oqo qai railesuva ni o vakavakarau ena cakacaka vakavunau.

Ena taleitaka cake na Vosa ni Kalou e dua kevaka e lekaleka ga na nomu ivakamacala. Taroga e dua na taro, qai wilika vakalekaleka e dua na tikinivolatabu me kena isau. Tovolea mada e so na iwalewale oqo:

“Na cava beka oni nanuma me baleta na veigauna sa tu qo e liu? [Waraka me sauma.] Sa tukuna tu mai na iVolatabu na veilecayaki ni bula nikua kei na kena itinitini.”​—2 Tim. 3:1, 2, 5; Vkai. 2:21, 22.

“Sa dua na ka na levu ni tauvimate nikua. Oni kila beka ni sa yalataka tu na Kalou ni na oti vakadua na tauvimate?”​—Aisea 33:24; Vkta. 21:3, 4.

“Oni kila beka ni sa tukuna oti tu na iVolatabu ni na dua ga na matanitu ena liutaki vuravura taucoko?”​—Tani. 2:44; Maciu 6:9, 10.

“Ke liutaki vuravura o Jisu Karisito, ena vakacava beka na bula?”​—Same 72:7, 8.

“Levu nikua era dau butuki sobu baleta beka nira tagane se yalewa, duidui nodra lotu, se baleta beka nira kaitani. Na cava oni nanuma, ena raica beka vakacava na Kalou na veivakaduiduitaki va ya?”​—Caka. 10:34, 35, VV.

“Eda kila ni levu na cakamana i Jisu Karisito ena gauna a bula voli kina. Ke rawa mo ni kerea me dua tale mada nona cakamana, na cava beka oni na vinakata me cakava?”​—Same 72:12-14, 16.

“Era sa oca e levu na rogoca tiko na leqa. Era via rogoca na kena iwali. Ia e vei na vanua ena kunei kina na iwali dina ni noda leqa?”​—2 Tim. 3:16, 17.

“Oni sa kila tiko se Matanitu cava oni dau masuta ena Masu ni Turaga?”​—Vkta. 11:15.

Sala me Tekivu Kina na Veivosaki

Na taro era tiko oqo, era yavutaki ena so na usutu mai na ivola na Reasoning. Na kedra isau e tiko ena veitaqana era volai tale tiko ga oqori:

Na cava eda qase kina da qai mate? (rs 98)

E vakacava tu na kedra ituvaki na mate? (rs 100)

E tu beka na vuna vinaka meda vakabauta kina na Kalou? (rs 145)

E kauaitaka beka na Kalou na veika e yacovi keda na tamata? (rs 147)

E bula dina tiko na Kalou? (rs 147)

Era lako kece beka i lomalagi na tamata vinaka? (rs 162)

O lomalagi ga na vanua meda na lai marau dina kina? (rs 163)

Na cava e bibi kina meda kila da qai vakayagataka na yaca ni Kalou? (rs 196)

E Kalou beka o Jisu Karisito? (rs 212)

Na cava ena vakayacora na Matanitu ni Kalou? (rs 227)

Na cava na inaki ni noda bula? (rs 243)

Na cava e rawa ni vakavinakataka na bula vakawati? (rs 253)

E vakadonuya beka na Kalou na lotu kece? (rs 322)

Ena kila vakacava e dua na lotu dina? (rs 328)

E vakacava sara tu mada na lewa i Setani ena vuravura edaidai? (rs 364)

Na cava e vakatara tu kina na Kalou na rarawa? (rs 393)

Na cava e sa rui levu kina na ivakarau ca? (rs 427)

O cei e liutaka na vuravura oqo​—na Kalou se o Setani? (rs 436)