Na Koronivuli ni Vuli Vunau ni 2004

¹ E vakarautaki ira na tamata wale o Jiova mera cakava na cakacaka bibi duadua e vuravura. Dua na sala e vakayacori kina oqori na vuli e dau caka e veimacawa ena Koronivuli ni Vuli Vunau. O sa vakaitavi tiko beka kina ena kena levu o rawata? Ena so tiko na veiveisau ni ituvatuva ni koronivuli ena Janueri 2004, e caka oqo me vukei ira tiko ga na gonevuli me yaga vakalevu vei ira na ituvatuva oqori.

² Rawa ni Veisau na iVukevuke ni Daunivakasala: Era dau marautaka na nodra veivuke na daunivakasala na tacida era vakaitavi ena vosa Nb. 1, kei na veitikina bibi mai na wili iVolatabu vakamacawa. E rawa ni veiveisau e veiyabaki na ivukevuke ni daunivakasala ena ivavakoso e levu kina na qase e ganiti ira na itavi oqo. Ena sala oqori, era na veivukevuketaka kina na itavi vakadaunivakasala e vica na qase matua era maqosa ena veivakavulici, ia o koya e bibi cake sara ni levu na ka era na vulica kina na qase kei na dauveiqaravi vakaitalatala matua era vakaitavi ena koronivuli.

³ Tuvai na Railesuvi: Ke caka na soqo ni tabacakacaka ena macawa ni railesuvi, me qai caka na railesuvi (kei na ituvatuva kece ni macawa oya) ena macawa ni oti na soqo ni tabacakacaka, ia me vakayacori ena macawa ni soqo ni tabacakacaka na ituvatuva ni macawa e tarava. Ia, e sega ni gadrevi me veisau na ituvatuva ni rua na macawa ke sota na macawa ni railesuvi kei na veisiko ni ivakatawa ni tabacakacaka. Na sere, na ivakarau ni vosa, kei na veitikina bibi mai na iVolatabu me muria ga na kena e tuvanaki tu ena macawa oya. Ia na vosa Nb. 1 (e dau caka ni oti na ivakarau ni vosa) me yavutaki mai na kena e tuvanaki tu ena macawa ni oti nona veisiko na ivakatawa ni tabacakacaka. Me sala muria na veitikina bibi mai na iVolatabu na Soqoni ni Cakacaka, me veimama ga na aua, e rawa ni veisau me 10 na miniti na tolu na itavi e vakayacori kina, se me rua ga na itavi me rau ya15 na miniti. (Me kua ni caka na veika me kacivaki.) Ena dua na sere ni oti na Soqoni ni Cakacaka, qai 30 na miniti na nona itavi na ivakatawa ni tabacakacaka. Na Koronivuli ni Vuli Vunau ena macawa e tarava ena tekivu ena ivakarau ni vosa kei na veitikina bibi mai na iVolatabu me vaka ga e tuvanaki tu, kei na railesuvi.

⁴ Vakayagataka vakavinaka na veika kece e vakarautaki meda tubu tiko ga kina vakayalo. Ni sa yaga tiko vei iko na veivakavulici ena Koronivuli ni Vuli Vunau, o na veivakayaloqaqataki ena nomu ivavakoso, o na vakaitavi sara tiko ga ena kena vakayacori e so na parofisai vakaivolatabu, qai vakacaucautaki kina o koya e vakavuna na itukutuku totoka ena iVolatabu e dodonu meda kacivaka.​​—⁠Aisea 32:​3, 4; Vkta. 9:​19.