Na iVola na Kaya na iVolatabu —Noda iVola Vou ni Vuli iVolatabu
1 Dua na ka na noda marau nida rogoca ena Soqo ni Tikina “Talairawarawa vua na Kalou” ni sa dua na noda ivola vou e yacana Na Cava Sara Mada e Kaya na iVolatabu? Ia ena vakayagataki vakacava na ivola vou ni veivakavulici oqo? E vakarautaki me sosomitaka na ivola ni vuli iVolatabu eda dau vakayagataka voli mai. Ena sevutaki ena cakacaka vakavunau ena vula o Maji na ivola oqo, ia sa rawa sara ga nida vakayagataka ena gauna oqo ena caka vuli iVolatabu.
2 Vuli iVolatabu sa Vakayacori Tiko: Na dautukutuku e vakayagataka tiko na ivola na Kila se na Loma ni Kalou ena vuli iVolatabu me na vakasamataka vinaka na gauna me dewa kina na vuli ena ivola vou oqo. Ke o se qai tekivutaka ga e dua na vuli iVolatabu, sa rawa sara ga ni drau dewa ena imatai ni wase ni ivola vou. Ke sa vakacagau tiko na nomudrau vuli ena ivola na Kila, sa rawa ni drau toki ena ulutaga e via tautauvata kei na ulutaga oqori ena ivola vou. Ke sa voleka ni oti na nomudrau vulica tiko na ivola na Kila, sa rawa ni drau vakaotia ga na ivola oqori.
3 Sega ni vakabekataki ni levu na noda veikilai ena veiganiti mera vulica na ivola Kaya na iVolatabu. Vakacava mo sureti ira kece mera vulica na iVolatabu ena kena vakayagataki na ivola oqo? Kena ivakaraitaki, o ira na sa vulica oti na Loma ni Kalou se na ivola na Kila, ia e sega nira toso totolo sara mera yalayala qai papitaiso, de ra na via tomana nodra vuli ena ivola vou oqo. Era na raica e so na itubutubu ni na yaga mera vulica vakavuvale na ivola oqo, baleta ni na vukei ira na luvedra mera kila vinaka sara na loma ni Kalou.—Kolo. 1:9, 10.
4 Vulici na iKarua ni iVola: E tiko beka e dua na ituvatuva ni kena vulici tale e dua na ivola ni sa vulici oti na ivola Na Cava Sara Mada e Kaya na iVolatabu? Io. Kevaka e vakilai ni sa toso dina tiko o gonevuli, dina ni berabera, ia e laurai ni taleitaka na ka e vulica tiko, rawa ni drau tomana nomudrau vuli ena ivola Qarava na Kalou Dina. E nuitaki ni ivola vou oqo Kaya na iVolatabu, ena yaga sara vakalevu ena noda vukei ira e levu tale mera mai tisaipeli.—Maciu 28:19, 20, VV.