iVola mai na Valenivolavola ni Tabana

Vei Kemuni na Dautukutuku ni Matanitu ni Kalou:

Eda marau nida raica na toso ni cakacaka e sa vakayacori tiko ena noda yalava ni valenitabana e Viti ena yabaki vakacakacaka ni 2007! E vakaraitaka na ripote ni cakacaka na iwiliwili levu duadua era mai tiko ena iVakananumi. Eda marau nida raica e sivia na 470 era painia veivuke, ra painia tudei tale ga ena vula o Epereli. Ena vica na vula sa oti e ka marautaki ni lesi tale e 10 na painia lavotaki. Na vula o Maji kei na Epereli a vakayacori kina e rua na Vuli ni Painia, era lewe 72 kece na lewenikalasi. Keitou vakanamata na kena vakarau vakayacori tale ga na Koronivuli ni Cakacaka Vakapainia e Kiribati.

Ena vula o Me, a tauyavutaki kina e va na ivavakoso e Suva. Okati kina na imatai ni ivavakoso ena vosa vakaIdia kei na vakaRotuma. Sa tekivu tale ga na iwasewase lailai ena vosa vaKilivati kei na kena sa vakarau tauyavu e dua na iwasewase lailai ni vosa vagalu. Eda rai vakanamata ena tubu ni iwiliwili ena so tale na vosa ena yalava e qarava na valenitabana, kei na kena sa sasagataki tiko me dua tale na ivavakoso ni vosa vakaIdia kei na vosa vakavalagi ena yasayasa vakara.

Eda na saga meda tarai ira kece era tiko ena noda yalava ni valenitabana meda vukei ira mera mai vulica na ka dina ena iVolatabu. (Maciu 28:​19, 20, VV) Nida vunau, meda nanumi ira na tataleitaki, sikovi ira lesu, da qai saga sara mera vuli iVolatabu. Eda marautaka dina noda duavata tiko ni cakava na cakacaka bibi oqo. Loloma vakarisito.

Tacimuni,

Valenivolavola ni Tabana e Viti