Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • km 7/08 t. 1
  • Eda sa Talaraka Tiko na Bainivalu Kaukaua

Sega na kena vidio.

Vosota, sega ni laurai rawa na vidio.

  • Eda sa Talaraka Tiko na Bainivalu Kaukaua
  • Noda Cakacaka Vakaitalatala—2008
  • iKuri ni Ulutaga
  • Na Cava na Yavu ni Nomu Vakabauta?
    Na Vale ni Vakatawa Kacivaka na Matanitu i Jiova—2001
  • Maqosa ni O Vakayagataka “Na iSeleiwau ni Yalo Tabu”
    Na Vale ni Vakatawa Kacivaka na Matanitu i Jiova—2010
  • Nomu Dodonu Mo Vakatulewataka na Ka O Vakabauta
    Na Vale ni Vakatawa Kacivaka na Matanitu i Jiova—2001
  • Era Lotu vaKarisito Dina na iVakadinadina i Jiova?
    Marau me Tawamudu!—Vuli iVolatabu
Raica Tale Eso
Noda Cakacaka Vakaitalatala—2008
km 7/08 t. 1

Eda sa Talaraka Tiko na Bainivalu Kaukaua

1 Ena vica vata na senitiuri, sa vakamatabokotaka tu o Setani na lomadra kei na nodra vakasama na kawatamata ena ivakavuvuli lasu kei na ka ni veivakacalai tale e so e vaka na bainivalu. E vakatetea na ivakavuvuli ni Letoluvakalou, na bula tale tiko ni yalo, kei na kama mai eli. E uqeta na kena lomatarotarotaki se bula dina tiko e dua na Dauveibuli kei na kena vakatitiqataki ni Vosa dina ni Kalou na iVolatabu. Dua tale na ka dredre e vaka tiko na bainivalu na veivakaduiduitaki kei na boletaki vanua, e tarovi ira e levu mera mai kila na ka dina. (2 Kor. 4:⁠4) E rawa vakacava meda talaraka sobu e so na vakabauta va qori?​​—⁠2 Kor. 10:​4, 5.

2 Okati Kina na Lomadra: Na ivakavuvuli vakalotu era tuberi kina e levu e sa vakawakana tu e lomadra. So era ciqoma tu na vakabauta cala qo nira se gone. Mera vukei o ira qo, e gadrevi meda doka nodra rai nida vosa vei ira.​​—⁠1 Pita 3:​15.

3 Noda dokai ira eda na vakarorogo nira vakamacalataka nodra vakabauta kei na vuna. (Jeme. 1:​19) De dua era vakabauta ni tawamate na yalo baleta ni sa mate na wekadra lomani ra qai vinakata mera raici ira tale. Era na rairai vakacevucevutaka e so na olodei me rawa nira tiko qai marautaka vata vakavuvale. Nida vakarogoca na ka era tukuna eda sa rawa ni siqema se cava e tiko e lomadra kei na sala veiganiti eda rawa ni vukei ira kina.​​—⁠Vkai. 16:⁠23.

4 Vakadamurimuri Jisu: iVakaraitaki vinaka vei keda o Jisu ena gauna a sauma kina nona taro e dua e buta vinaka ena Lawa. A sega ni tukuna vua o Jisu na ka me cakava, baleta ni sa dei tu e lomana na nona vakabauta. Ia, a vakayagataka na iVolatabu, taroga nona nanuma, qai tukuna e dua na ivakatautauvata me rawa ni kila kina na kena ibalebale.​​—⁠Luke 10:​25-​37.

5 Na Vosa ni Kalou e rawa ni uqeta na tamata me kauta laivi na vakabauta e yavutaki ena lotu lasu. (Iper. 4:​12) Nida vakamacalataka vakamalua vei ira na ka dina e rawa ni uqeta na lomadra na vakarorogo mera biuta na ivakavuvuli lasu ra qai taura na ka dina, me sereki ira.​​—⁠Joni 8:​32.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta