Me Vakayagataki, Kua ni Maroroi

Era bini tu ena levu na ivavakoso na ivola makawa. Vakacava mo taura eso na ilavelave ni ivola makawa qo me biu ena nomu laibri? De dua sa tiko na nomu Watchtower Library mo raica kina eso na ivola makawa. Ia e yaga me tiko tale ga na kena ilavelave. E tiko beka e dua na nomu vuli iVolatabu e toso vinaka tiko vakayalo? O rawa ni uqeti koya me taura eso na ivola makawa qo me tekivu kina na nona laibri. Me raica na ivakatawa ni Koronivuli ni Vuli Vunau ni sa tiko ena laibri ni Kingdom Hall na ilavelave kece ni ivola makawa e tu ena ivavakoso. Era se yaga tiko ga na ivola qo. Ena vinaka meda vakayagataka mai na kena maroroi tu ga ena kovate ni ivola ni ivavakoso!