Kato Ni Taro

◼ Meda masu nida vuli iVolatabu kei na dua e matanivale?

E yaga vakalevu meda masu kei ira noda vuli iVolatabu ni bera ni tekivu na vuli kei na gauna sa oti kina. Nida masu eda sa kerea tiko na yalo tabu i Jiova me dusimaka na noda vuli. (Luke 11:13) Ena vakaraitaka tale ga vei gonevuli na bibi ni vuli qai vakavulici koya tale ga ena sala me masu kina. (Luke 6:40) Ena vinaka gona me tekivu na vuli ena masu ena kena gauna totolo duadua. Ia ena so na ituvaki me na lewa vinaka o qasenivuli me masu se sega ena vuli iVolatabu e caka e matanivale.

Dua na ka bibi me vakasamataki, na vanua e caka kina na vuli. Ke wasoma nomu vuli kei na dua e matanivale, e sega soti ni laurai levu, e rawa ni o masu ga vakalekaleka ena gauna e tekivu kina na vuli kei na gauna e oti kina. Ia ke madua o gonevuli nira rai tu eso tale, ena vinaka me qai caka na masu ena dua na vanua veiganiti e sega ni laurai levu. Se mani vanua cava e caka kina na vuli, meda vakatulewataka vinaka na gauna meda masu kina.—Raica na Noda Cakacaka Vakaitalatala ni Maji 2005, tabana e 6.