E Vakacava Tu na Kena iTuvaki?

E vinaka me tarogi qori me baleta na ivola kece eda via solia ena cakacaka vakavunau. Ke kalobi tu na ivola, seavu na rokana se kabasu, ena rogorogo ca kina na isoqosoqo, ena sega tale ga ni via wilika o itaukeinivale na itukutuku vinaka ena noda ivola ena rawati kina na bula.

Na cava meda cakava me vinaka tu ga kina na ituvaki ni noda ivola? E levu era raica ni yaga na nodra tuvana vinaka na ivola ena nodra beki mera biu vakamataqali vata. Kena ivakaraitaki, e dui tiko na vanua era biuta kina na ivola, mekesini, brochure, tikidua kei na so tale. Era dau tawana vinaka tale ena nodra beki na iVolatabu kei na ivola tale eso me vinaka tu ga kina na kena ituvaki. Eso na tale dautukutuku era dau tawana na nodra ivola ena waqanivola se taga palasitika. Se mani cava eda cakava, me kua ga ni beitaki na noda cakacaka vakaitalatala nida solia na ivola e sega ni vinaka tu na kena ituvaki.—2 Kor. 6:3.