“Au na Taura Nomu iVola ke o Taura na Noqu”

Qori na ka era dau tukuna vei keda eso na itaukeinivale. Eda sega ni dau taura na nodra ivola eso tale na lotu ni cala na ka e vakamacalataki kina. Ia eda na maqosataka vakacava na ka meda tukuna vei ira? (Roma 1:25) Eda rawa ni kaya: “Isa, vinaka sara vakalevu, ia meu taroga mada e dua na taro: Vakacava e tukuni ena nomuni ivola e dua na ka me baleta na iwali ni leqa ni kawatamata? [Waraka me sauma. Ke tukuna vei iko mo wilika na nona ivola mo kila kina na kena isau, o rawa ni tukuna vua ni bera ni o sureti koya me taura na noda ivola, o sa vakamacalataka e liu na lewe ni ivola. Oti qai wilika se cavuqaqataka na Maciu 6:9, 10.] E tukuna o Jisu ni Matanitu ni Kalou ena vakayacora na loma ni Kalou e vuravura. Koya gona, au na wilika ga na ivola e vakabibitaki kina na Matanitu ni Kalou. Vakacava meu vakaraitaka mada vei iko na ka e tukuna na iVolatabu me baleta eso na ka ena cakava na Matanitu ni Kalou?”