Sala Meda Marautaka Kina na Sere ena Noda iVolanisere

Era okata na tamata ni Kalou me dua na iloloma totoka i Jiova na ivakatagi. (Jeme. 1:17) Ena levu na ivavakoso, e dau malumu na kena vakatagitaki toka na sere mai na noda ivolanisere ni bera se ni oti na soqoni. E dau veivakacegui na rorogo ni ivakatagi nida gole yani ena soqoni. E vakarautaka vinaka na noda vakasama ena noda sokalou. Nida rogoca tale ga eso na ivakatagi vou ni noda sere, eda na kila na kena ilagalaga da qai lagata vakavinaka. Ni vakatagitaki ni oti na soqoni, ena veivakabulabulataki vakayalo, veivakayaloqaqataki qai marautaki kina noda veimaliwai. Me ratou tuvanaka vinaka na ilawalawa qase me vakatagitaki na Sing to Jehovah—Piano Accompaniment ni bera se ni oti na soqoni. Me ratou vakadeitaka tale ga me kua ni rogo levu sara na ivakatagi me lai vakadredretaka na veivosaki.