Vakatutu

Me Tauyavu Kina na Vuli iVolatabu ena iMatai ni Vakarauwai ena Feperueri

“O nanuma ni tiko na nona isoqosoqo na Kalou nikua, se veitaratara yadudua ga kei keda? [Waraka me sauma.] Raica mada na ka e tukuni eke me baleta e dua na ilawalawa a tuvanaki ira na Kalou ena vica vata na yabaki sa oti.” Cega Na Vale ni Vakatawa 1 Feperueri, tabana e 26, drau wilika qai veivosakitaka na imatai ni taro kei na dua na tikinivolatabu e sega ni lavetaki. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Feperueri

“E veivosakitaki vakalevu ena dua na gauna lekaleka qo na Amaketoni. Oni nanuma nida na rawa ni cakava e dua na ka meda tarova kina na kena yaco na Amaketoni? [Waraka me sauma.] Qo na vanua e volai kina na vosa na ‘Amaketoni.’ [Wilika Vakatakila 16:16 qai vakaraitaka na waqa ni mekesini e liu.] Na mekesini qo ena sauma vakaivolatabu na taro qori.”

Yadra! Janueri-Maji

“Keimami veivosakitaka tiko mai nikua e dua na ulutaga ena yaga ena vuvale. Na cava oni nanuma ni vakadredretaka na nodra veisusu na itubutubu nikua? [Waraka me sauma.] Levu na itubutubu era qara ivakasala ena iVolatabu. Kena ivakaraitaki, ena yaga ena nodra vakadodonutaki na gone na ivakasala vuku qo. [Wilika Efeso 4:31.] Ena vakamacalataki ena mekesini qo na ivakasala vakaivolatabu ena vukei ira na itubutubu ena nodra susugi luvedra nira se lalai me yacova nira sa itabagone.”