Vakatutu

Me Tauyavu Kina na Vuli iVolatabu ena iMatai ni Vakarauwai ena Feperueri

“E levu nikua era vakabauta ni vakavuna tiko na Tevoro na veika ca e yaco tu e vuravura. Ia era dau vaqaqa: ‘A basika vakacava na Tevoro? A buli koya na Kalou?’ Na cava o nanuma? [Waraka me sauma.] Raica mada na ka e tukuni ena mekesini qo.” Vakaraitaka na ulutaga ena iotioti ni tabana ni Vale ni Vakatawa 1 Feperueri, qai veivosakitaka na imatai ni parakaravu kei na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Na Vale ni Vakatawa 1 Feperueri

“E dua na turaga era doka vakalevu na lotu vaKarisito, o ira na Jiu kei ira na Musilimi. Qori o Mosese. Ni o rogoca ni cavuti na yacana, na cava na imatai ni ka o vakasamataka? [Waraka me sauma.] A cakava eso na cala o Mosese, ia e vakasakiti na ka e tukuna na iVolatabu me baleti koya. [Wilika Vakarua 34:10-12.] Na mekesini qo ena vakamacalataka e tolu na nona itovo vinaka kei na sala meda vakatotomuri koya kina.”

Yadra! Feperueri

“Dua na ka na levu ni tamata era toki e vanuatani nira qara na bula e vinaka cake. O nanuma nira dau kunea na ka era qara voli? [Waraka me sauma.] Na nodra dau biubiu na tamata mera gole ina vanuatani a se vakayacori tu mai ena veigauna sa oti. Raica mada qo e dua na ivakaraitaki mai na imatai ni ivola ena iVolatabu. [Wilika Vakatekivu 46:5, 6.] Ena saumi ena mekesini qo na taro qo.” Vakaraitaka vei itaukeinivale na taro era toka ena tabana e 6.