Vakatutu

Me Tauyavu Kina na Vuli iVolatabu ena iMatai ni Vakarauwai ena Feperueri

“E levu e duidui nodra nanuma me baleta na iVolatabu. Eso era vakabauta ni Vosa ni Kalou, ia eso tale era raica me dua ga na ivola. Ia cava mada nomuni rai me baleta na iVolatabu?” Waraka me sauma. Vakaraitaka na ulutaga ena iotioti ni tabana ni Vale ni Vakatawa ni 1 Feperueri, qai veivosakitaka na imatai ni taro kei na dua na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Na Vale ni Vakatawa 1 Feperueri

“E levu era vinakata sara tu ga me oti na ivalu. O nanuma ni na rawati dina na veisaututaki e vuravura? [Waraka me sauma.] Raica mada na ka e yalataka na iVolatabu. [Wilika Same 46:9.] Nida vakasamataka gona na veika e yaco ena iMatai ni iValu Levu kei na kena era yaco tarava, e vakanuideitaki keda na tikinivolatabu qo ni sa voleka sara ni vakayacora na Kalou na parofisai qori me tinia vakadua na ivalu. Ena vakamacalataki qori ena mekesini qo.”

Yadra! Feperueri

“Keimami veivosakitaka tiko mai e dua na leqa e sa takalevu tiko. E vaka me sega ni veirauti na gauna e soli meda vakaotia kina e dua na ka. Oni nanuma ni sa rui sivia tale na ka eda dau cakava se levu ga noda vakalusi gauna? [Waraka me sauma.] Era sega ni kila e levu ni tu ena iVolatabu na ivakasala yaga ena vukei keda ena kena vakayagataki vinaka na gauna. Qo e dua na kena ivakaraitaki. [Wilika Filipai 1:10a.] E vakamacalataki ena mekesini qo e va na sala era vakayagataka vinaka kina nodra gauna e levu.”