Vakatutu

Me Tauyavu Kina na Vuli iVolatabu ena iMatai ni Vakarauwai ena Okotova

“Au kila ni oni duavata kei au ni vaka me sa qai lekaleka ga na bula. Oni nanuma nida na rawa ni vakaotia na tauvimate da qai bula dede? [Waraka me sauma.] Raica mada na ka e tukuni eke.” Vakaraitaka vei taukeinivale Na Vale ni Vakatawa 1 Okotova, drau veivosakitaka na imatai ni taro ena tabana e 16 qai wilika e dua na tikinivolatabu e sega ni lavetaki. Solia na mekesini, qai lokuca na siga mo drau veivosakitaka kina na taro tarava.

Na Vale ni Vakatawa 1 Okotova

“Keimami veisiko tiko mai nikua ni levu era kauai ena veidabui e caka tu ena bisinisi kei na matanitu. Oni nanuma ni rawa ni caka e dua na ka ena leqa qo? [Waraka me sauma.] Raica mada na ka e tukuni ni na cakava o Jisu vei ira era dabuitaki. [Wilika Same 72:​12-14.] E vakamacalataki ena mekesini qo na sala sa vakarau muduki kina na veidabui.”

Yadra! Okotova-Tiseba

“E levu nikua era dau rere na lako duadua, vakabibi ena bogi. Oni nanuma ni rawa ni caka e dua na ka me vakalailaitaki kina na ivalavala voravora e vuravura? [Waraka me sauma.] E vakamacalataki ena mekesini qo eso na ka eda rawa ni cakava kece meda veiyaloni kina vakalevu kei ira eso tale. E vakamacalataka tale ga na sala ena vakayacori kina na parofisai veiuqeti qo.” Wilika na Same 72:7.