Vakatutu

Me Tauyavu Kina na Vuli iVolatabu ena iMatai ni Vakarauwai ena Okotova

“Era tukuna e levu ena yasayasa qo ni ituvaki dredre duadua era sotava oya ni takali e dua na wekadra lomani. O ni dau sotava tale ga ya? [Waraka me sauma.] Ena yaga vei kemuni na mekesini qo.” Vakaraitaka na ulutaga ena iotioti ni tabana ni Vale ni Vakatawa ni 1 Okotova, qai veivosakitaka na imatai ni parakaravu kei na dua na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Na Vale ni Vakatawa 1 Okotova

“Keimami uqeti ira tiko mai na itaukeinivale nikua ena kena dau wiliki na iVolatabu. Keimami kila ni so era dau taleitaka na iVolatabu, eso e sega. Ia vakacava o kemuni? [Waraka me sauma.] Raica mada qo na ka e tukuna na iVolatabu. [Wilika 1 Cesalonaika 2:13.] Au kila ni o na duavata kei au, ke vakavuna dina na Kalou na volai ni iVolatabu ena yaga me wiliki, se vakaevei? Na mekesini qo e vakamacalataka vakalekaleka na veika me baleta na iVolatabu kei na vuna meda wilika kina.”

Yadra! Okotova

“Cava nomuni nanuma, eda rawa ni lomavakacegu ke sega ni levu noda iyau? [Waraka me sauma.] Raica mada na ka e kaya na iVolatabu. [Wilika 1 Timoci 6:8.] Na mekesini qo e vakamacalataka na rai donu me baleta na taukeni ni iyau qai veivosakitaki kina e tolu na ka bibi ena sega ni rawa ni kauta mai na ilavo.”