Vakatutu

Me Tauyavutaki Kina na Vuli iVolatabu ena iMatai ni Vakarauwai ena Okotova

“Keimami veivosakitaka tiko mai vakalekaleka kei ira na itaukeinivale na veika e vauca na veiliutaki vinaka. Vakacava e rawa ni dua na matanitu e vakaotia na ituvaki dredre me vaka na itovo kaukaua kei na veika tawadodonu?” Waraka me sauma. Vakamacalataka vei itaukeinivale na Masu ni Turaga, ni vakavulici ratou nona imuri o Jisu me ratou masuta me yaco mai na Matanitu ni Kalou. Vakaraitaka na ulutaga ena iotioti ni tabana ni Vale ni Vakatawa ni 1 Okotova, qai veivosakitaka na imatai ni taro kei na dua na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Na Vale ni Vakatawa 1 Okotova

“Keimami veivosakitaka tiko mai vakalekaleka na masu kilai levu e vakavulica o Jisu vei ratou nona imuri. [Wilika Maciu 6:9, 10.] O sa bau rogoca ni vakamacalataki na Matanitu ni Kalou kei na vuna e vakabibitaka kina o Jisu ena nona veivakavulici? [Waraka me sauma.] E vakamacalataki ena mekesini qo na ka e kaya na iVolatabu me baleta na Matanitu ni Kalou kei na veika vinaka ena kauta mai e vuravura.”

Yadra! Okotova

“Keimami veisiko tiko mai vakalekaleka me saumi kina na taro era dau taroga tu e levu. [Vakaraitaka na ulutaga.] Vakacava e vinakati vua e dua me vutuniyau me rawata kina na marau dina? [Waraka me sauma.] E vakamacalataka na iVolatabu na ivakarau ni rai me tiko vei keda me baleta na iyau vakayago. [Wilika Luke 12:15.] E tukuna na iVolatabu, ni rawa nida rawata kece na marau dina. Ena vakamacalataki qori ena mekesini qo.”