Meda Veiuqeti ena Cakacaka Vinaka
E uqeti keda na Iperiu 10:24 meda “dau veinanumi, meda veivakauqeti, meda veilomani, meda caka vinaka tale ga.” Eda na uqeti ira na tacida ena noda ivakaraitaki kei na noda vakabauta. Talanoataka vei ira na mataveitacini na ka vinaka o sotava. Mera raica na marau o vakila ni o qaravi Jiova. Mo kua ga ni vakatauvatani ira kei iko se so tale. (Kala. 6:4) Mo vakayagataka nomu taledi mo uqeti ira mera ‘dau loloma, mera caka vinaka tale ga,’ mo kua ni vakayalolailaitaki ira. (Raica na ivola Vuli Vunau, t. 158, para. 4.) Nida uqeta na veilomani, ena tarava mai na cakacaka, ena laurai qori ena noda caka vinaka se vakaitavi ena vunau.—2 Kor. 1:24.