Meda Maqosa Tiko ga ena Cakacaka Vakaitalatala—Caka Vuli iVolatabu ena Matanikatuba ena Brochure iTukutuku Vinaka Mai Vua na Kalou!
Vuna e Bibi Kina: Me rawa nida veivakatisaipelitaki, e dodonu meda qasenivuli ni Vosa ni Kalou. (Maciu 28:19, 20) E vuavuaivinaka noda veivakavulici nida vakayagataka na iyaragi e vakarautaki vei keda. Na brochure iTukutuku Vinaka Mai Vua na Kalou! e vakarautaki sara ga meda vakavulica kina na ka dina. Eda rawa sara ga ni tekivuna kina na vuli iVolatabu ena matanikatuba ena imatai ga ni gauna eda sotava kina e dua.
Tovolea ena Vula Qo:
Masulaka me tiko vei iko na yalo ni caka vuli iVolatabu. Cikevi Jiova tale ga mo kunea e dua, mo dua tale ga na qasenivuli maqosa ni ka dina.—Fpai. 2:13.
Ena sokalou vakavuvale se na nomu vuli vakataki iko, vulica vinaka na vakatutu e vakarautaki me tara sara na lomamu. Ni o gole ena vunau, o na vosa ena nuidei, o na rawa tale ga ni tekivuna na vuli iVolatabu ena matanikatuba.