Vakayagataka Vakavuku na iVola Vakaivolatabu

E vakavulica o Jisu: “E soli wale vei kemudou, dou solia wale tale ga.” (Mac 10:8) Eda muria na ivakasala matata qori ena noda sega ni lavaka e dua na isau ni iVolatabu se ivola vakaivolatabu eda veisoliyaka. (2Ko 2:17) Ia era lewe ni ivola qori na ka dina vakamareqeti mai na Vosa ni Kalou. E cakacaka levu na kena tabaki qai vakau na ivola qori ina ivavakoso kece e vuravura, e vakayagataki tale ga kina e levu na ilavo. Bibi gona meda dau kauta ga na ka eda na vakayagataka.

Mo vakatulewa vinaka ni o solia na ivola, se ni o vunau tiko e matanalevu. (Mac 7:6) Kua ni solia tu ga na ivola vei ira na tavali, tovolea mo veitalanoa kei ira mo kila ke ra taleitaka dina. Vakacava na kato e toka qo e ra, era dau cakava kece qori o ira o vosa kina? Ke o kila ni sega ni taleitaka, de vinaka me soli ga vua e dua na tikidua. Ia ke vinakata e dua na mekesini se dua tale na ivola, eda na marau ni solia.—Vvb 3:27, 28.