Me Vakayagataki Vakacava​—O Cei Era Cakava Tiko Nikua na Loma i Jiova?

Na inaki ni brochure O Cei Era Cakava Tiko Nikua na Loma i Jiova? me veivosakitaki vata kei gonevuli ni bera ni tekivu na vuli se ni sa oti.a Na lesoni 1 ina 4 ena uqeti ira mera kilai keda vinaka na iVakadinadina i Jiova. Ena yaga vei ira na lesoni 5 ina 14 nira na kila kina noda cakacaka, kei na lesoni 15 ina 28 e vakamacalataka na ka e dau caka ena noda isoqosoqo. E vinaka me dikevi veitaravi na lesoni, vakavo ke veiganiti me vulica o gonevuli. E dua ga na tabana na lesoni yadua, rawa ni veivosakitaki mai na lima ina tini na miniti.

• 

  Me dikevi na taro e tiko ena ulutaga ni lesoni

• Drau wilika vata, rawa ni wiliki taucoko na lesoni se wase vakalalai

• Me veivosakitaki na ka e wiliki. Me vakayagataki vinaka na taro e tiko e ra kei na iyaloyalo. Vakalewa vinaka na tikinivolatabu e sega ni lavetaki me wiliki qai veivosakitaki ke veiganiti. Vakamacalataka na sala e sauma kina na taro ena ulutaga ni lesoni na ulutaga lalai e matanivola kata

• Me wiliki na kato “Kila Eso Tale na Ka” ke tiko, uqeti gonevuli me muria sara na vakatutu