Sabolo ni iVola

• Vola nomu itikotiko se katonimeli. Ke o nanuma ni sega ni ka vakayalomatua mo vakayagataka, o rawa ni vola na katonimeli ni Vale ni Soqoni ke ratou vakadonuya na qase ni ivavakoso. Ia mo KUA ga ni vakayagataka na katonimeli ni valenivolavola ni tabana.

• Vola na yacana ke o kila. Ena sega kina ni nanumi ni itukutuku ni veivoli o vola yani.

• Raica vinaka na sipeligi, me donu na tuvai ni yatuvosa, kei na vakavakadigo. Me savasava na ivola, kua ni sakuca. Ke volai e liga, me rawarawa na kena wiliki. Me rakorako, me matau na vosa e vakayagataki.

E vakabibitaki na tikina qori ena sabolo ni ivola. E sega ni vinakati me kopitaki na vosa yadua ena gauna kece o volavola kina vua e dua ena yalava. Veisautaka nomu ivola me vakatau ena kena inaki, ituvaki, kei na ivakarau ena nomu vanua.