Kato ni Taro

◼ E dodonu beka meda vola noda e-mail address ena ivola eda veisoliyaka?

So era dau vola, vakabira, se sitabataka nodra e-mail address ena ivoladraudrau se ivolacebaceba era solia. O ira na taura na ivoladraudrau qo era na vakayagataka na e-mail address qori mera volavola kina vua na dautukutuku ke ra vinakata mera kila e so tale na ka. Ena rairai caka qo ena inaki mera vukei kina na tataleitaki. Ia, meda nanuma tiko ni sa tabaki tu ena daku ni noda ivoladraudrau kei na ivolacebaceba na Web site ni isoqosoqo. O koya gona, e vinaka cake meda kua ni solia noda dui e-mail address.

Ena vakatau vua na dautukutuku nona via solia na naba ni talevoni se vanua e vakaitikotiko kina vua e tataleitaki. Ia e dodonu meda lesuvi ira, meda kua ga ni waraki ira mera qiriti keda se lakovi keda mai. Ena laulau noda veisikovi lesu ke da lako sara ga vei ira meda lai veitalanoa.