O sa Vakarau Tu?

O sa vakarau tu ke yaco na leqa tubukoso ena nomu yalava? E rawa ni yaco vakasauri na uneune, cagilaba, kama ni veikau kei na waluvu. Ena vakacaca sara vakalevu. E rawa ni yaco tale ga vakasauri na basulawa, tikoyavavala kei na matedewa ni bera mada ga nida vakasalataki kina. (Dvu 9:11) Meda kua sara ni nanuma ni na sega ni yaco qori ena vanua eda tiko kina.

E noda itavi yadua meda vakarautaki keda ena leqa tubukoso. (Vvb 22:3) E dau vakarautaka na isoqosoqo i Jiova na veivuke ena gauna qori, ia sega ni kena ibalebale qo meda vakawelewele, se sega na noda itavi.—Kal 6:5, vmr.

SARAVA NA VIDIO O SA VAKARAU TU KE YACO NA LEQA TUBUKOSO? QAI SAUMA NA TARO QO:

• 

  Eda na vakarautaki keda vakacava vakayalo ena leqa tubukoso?

• 

  Cava e bibi kina . . .

  • • meda veitaratara tiko ga kei ira na qase ni ivavakoso ni bera na leqa tubukoso, ni yaco tiko, vaka kina ni sa oti?

  • • meda vakarautaka tu eso na iyaya ni veivuke?—g17.5 6

  • • meda veivosakitaka na veimataqali leqa tubukoso e rawa ni yaco kei na ka me caka?

• 

  Cava e tolu na sala eda rawa ni vukei ira kina eso tale nira sotava na leqa tubukoso?