Vakavakarau Tiko ga ena iCavacava “ni iOtioti ni Veisiga”

Nida bula tiko ena icavacava ni “iotioti ni veisiga,” eda namaka me levu tiko ga na leqa. (2Tm 3:1; ivakamacala ni vosa ena Mac 24:8, nwtsty) Nida donuya na leqa, eda ciqoma na dauveiqaravi i Jiova na veidusimaki ena gauna donu meda vakabulai kina. Ena vakatau gona noda vakabulai ena gauna ya nida talairawarawa meda vakavakarau ena gauna qo, vakayalo vakayago tale ga.—Lu 16:10.

• Vakavakarau vakayalo: Me tiko e dua nomu ituvatuva vinaka. Vulica eso tale na iwalewale ni vunau. Kua ni taqaya ke o sega ni veivosaki vakalekaleka kei na vo ni mataveitacini. (Ais 30:15) O na sega vakadua ni yawaki Jiova kei Jisu.—od 176 ¶15-17

• Vakavakarau vakayago: Me ikuri ni noda kato ni iyaya me vakayagataki ena leqa tubukoso, me vakarautaka na vuvale yadua eso tale na kakana, wai, wainimate, kei na iyaya va qori de vinakati meda lai vakaruru ena dua na vanua me dua na gauna balavu.—Vvb 22:3; g17.5 4, 6

ME SARAVI NA VIDIO O SA VAKARAU TU KE YACO NA LEQA TUBUKOSO? QAI SAUMA NA TARO QO:

• 

  Eda na vakarautaki keda vakacava vakayalo?

• 

  Na cava e bibi kina meda . . .

  • veitaratara tiko ga kei ira na qase ni ivavakoso?

  • vakarautaka tu eso na iyaya ni veivuke?

  • veivosakitaka na leqa tubukoso e rawa ni yaco kei na ka meda cakava?

• 

  Na cava e tolu na sala eda rawa ni vukei ira kina na vakaleqai ena leqa tubukoso?

MO TAROGA, ‘Na cava au vulica me baleta na vakavakarau ena matedewa na COVID-19?’