O sa Vakarau tu ke ra Tikoyavavala na Lewenivanua?

Ni sa voleka ni cava na ivakarau ca ni vuravura qo, eda namaka me levu tiko ga na tikoyavavala, na vakacaca ni batikadi, kei na ivalu. (Vta 6:4) Eda na vakarautaki keda vakacava ena gauna dredre qori?

• Vakavakarau vakayalo: Mo kila na ivakavuvuli vakaivolatabu kei na tikinivolatabu ena uqeti iko mo nuitaki Jiova vakalevu kei na nona isoqosoqo qai tawaveitovaki tiko ga. (Vvb 12:5; jr 125-126 ¶23-24) Qo na gauna mo vaqaqacotaka kina nomu veiwekani kei ira na lewe ni ivavakoso.—1Pi 4:7, 8

• Vakavakarau vakayago: Me tiko na ituvatuva me baleta na vanua mo vakaruru kina kei na ka mo kania ke o tiko ga e vale. Me tiko tale ga na ituvatuva ena ka me caka ni o biubiu e vale. Dikeva na lewe ni nomu kato ni iyaya ena leqa tubukoso, wili kina na qaniliga, iubinimata, kei na ilavo. Mo kila na sala mo veitaratara tiko kina kei ratou na qase.—Ais 32:2; g17.5 3-7

Ni yaco na tikoyavavala, me dei tiko ga nomu ituvatuva vakayalo. (Flp 1:10) Kua ni veitosoyaki vakaveitalia, vakavo ga ke o tokitaki. (Mac 10:16) Wasea na kakana kei na so tale na ka.—Rom 12:13.

SARAVA NA VIDIO O SA VAKARAU TU KE YACO NA LEQA TUBUKOSO? QAI SAUMA NA TARO QO:

• Ena vukei keda vakacava o Jiova ena gauna ni leqa tubukoso?

• Na cava meda vakarautaka?

• Eda na vukei ira vakacava na vakaleqai?