Vakacaucautaki Jiova ni o Painia

E levu na vuna vinaka era vakacaucautaki Jiova kina na Isireli. E kauti ira tani mai Ijipita, e vakabulai ira tale ga mai na mataivalu i Fero! (Ly 15:1, 2) E caka vinaka tiko ga o Jiova vei ira nona tamata. Eda na vakavinavinakataki koya vakacava?—Sm 116:12.

Dua na sala oya nida painia veivuke se painia tudei. O rawa ni masulaka mo vinakata mo painia. Oti mo cakava sara. (Flp 2:13) Levu era painia veivuke mada. O rawa ni digia mo rawata e 30 se 50 na aua ena vula o Maji, Epereli, kei na vula e dau veisiko mai kina na ivakatawa ni tabacakacaka. Ni o marautaka nomu painia veivuke, de dua o na sasaga mo painia tudei. (mwb16.07 8) Eso mada ga era cakacaka tudei se ra tautauvimate era painia tudei tiko. Io, e ganiti Jiova duadua ga me vakacaucautaki!—1Ve 16:25.

SARAVA NA VIDIO TOLU NA VEITACINI YALEWA E MONGOLIA QAI SAUMA NA TARO QO:

• 

  Na ka dredre cava eratou sotava na veitacini qo? Eratou painia vakacava?

• 

  Ratou vakalougatataki vakacava?

• 

  Ni ratou painia tudei, na veiqaravi cava tale eratou marautaka?

• 

  E veiuqeti vakacava nodratou ivakaraitaki?