O sa tu Vakarau ena Gauna ni Leqa Vakailavo?

Eda sega ni kidroataka na kena vakaleqa na bula vakailavo na veika sa yaco tu nikua e vuravura. Na vuna? Nida sa bula sara tu ga ena iotioti ni veisiga, e vakasalataki keda tale ga na iVolatabu meda kua ni vakanuinui “ena iyau e sega ni dei.” (1Tm 6:17; 2Tm 3:1) Na cava eda vulica ena ivakaraitaki nei Tui Josafati meda tu vakarau ena gauna ni leqa vakailavo?

Nira vakarerei Josafati na veimatanitu meca, e vakaraitaka nona nuitaki Jiova. (2Ve 20:9-12) E cakava tale ga eso na ka me vakarautaka kina na matanitu, ya ni tara na koro vakabai qai biuta kina na nodra keba na sotia. (2Ve 17:1, 2, 12, 13) Me vakataki Josafati, e bibi meda nuitaki Jiova qai vakavakarau ena gauna dredre sa tu e matada.

ME SARAVI NA VIDIO O SA VAKARAU TU KE YACO NA LEQA TUBUKOSO? QAI SAUMA NA TARO QO:

• Na cava meda cakava yadudua meda vakarautaki keda kina ena leqa tubukoso?

  Your answer

• Eda na tu vakarau vakacava meda vukea eso tale?

  Your answer