Sala Meda Vakayagataka Kina na Vidio ni Vuli iVolatabu

E tiko e va na vidio ni vuli iVolatabu meda vakayagataka ena cakacaka vakaitalatala. Na cava na inaki ni kena vakarautaki na vidio yadua?

• 

  E vakarautaki na vidio Vuna mo Vulica Kina na iVolatabu—Vidio Taucoko mera taleitaka na lewenivanua na iVolatabu se lotu cava era lewena. E uqeti ira mera raica ena iVolatabu na isau ni ka era lomatarotarotaka me baleta na bula, kei na ivakamacala nuitaki e tu kina. E vakaraitaka tale ga na sala me kerei kina na vuli iVolatabu.

• 

  Vuna mo Vulica Kina na iVolatabu (vidio lekaleka) e tautauvata ga kei na vidio balavu, ia e lekaleka. Ena rawa ni yaga vakalevu ena yalava era osooso se ra dau vakusakusa.

• 

  E vakarautaki na vidio Na Cava e Caka ena Vuli iVolatabu?, mera taleitaka na lewenivanua na porokaramu ni noda veivakavulici ena iVolatabu, me saumi kina eso na taro me baleta na vuli, kei na sala me kerei kina na vuli iVolatabu.

• 

  E vakarautaki na vidio Qo na Nomu Gauna ni Vuli me sarava o gonevuli. E tiko na vidio ena tabana e rua ni ivola Marau me Tawamudu!, ia e rawa ni saravi ni veivosakitaki na brochure Marau me Tawamudu! E tukuni ena vidio na lewenivola kei na ka me nanamaki kina o gonevuli.

E tiko na inaki e vakarautaki kina na vidio yadua, ia eda rawa ni vakaraitaka se vakauta ke veiganiti. Era uqeti na dautukutuku mera kila vinaka na vidio yadua, mera vakayagataka vinaka tale ga ena cakacaka vakaitalatala.