O na kunea i vei na idusidusi nuitaki nikua?
Sa veiveisau tiko na ivakarau ni bula e vuravura. O na vakadeitaka vakacava ni o na marau ena vakatulewa o cakava? O na vakadeitaka tale ga vakacava ni veika e okati me donu nikua ena sega ni cala nimataka?
E rawa ni vukei iko na iVolatabu mo cakava na vakatulewa o na sega ni veivutunitaka. E rawa vakacava qori? E vakarautaka na Dauveibuli na iVolatabu, e kila vinaka tale ga na sala meda nuidei qai marau kina.
“Sa tukuna oti vei iko . . . na ka vinaka.”—Maika 6:8.
Eda rawa ni nuitaka na ivakasala vuku ena iVolatabu. E “nuitaki tu ga, ena gauna qo qai tawamudu.”—Same 111:8.
Vakacava mo dikeva tale mada na sala e rawa ni vukei iko kina na iVolatabu ena vuravura veilecayaki qo?