Vulica Vinaka na iYaloyalo

E levu ena noda ivola vakaivolatabu na itaba kei na iyaloyalo e vakavulica na veitikina bibi. Ena yaga vakacava vei iko na ivukevuke qo?

• Raica rawa na iyaloyalo ni bera ni o wilika na ulutaga. Na iyaloyalo ena rairai vakavuna nomu lomatarotaro se uqeti iko mo wilika na ulutaga. Me vaka ga e dua na veleti kakana vakatitiweli, na matada ena tovolea rawa se raica e liu. Mo taroga gona, ‘Na cava au raica?’​—Emosi 7:​7, 8.

• Ni o wilika na ulutaga, vakasamataka na vuna e digitaki kina na iyaloyalo qori. Wilika na kena ivakamacala, ke tiko. Vakasamataka na veisemati ni iyaloyalo kei na ulutaga e veivosakitaki, kei na kena yaga vei iko.

• Ni o wiliwili oti, vakayagataka na iyaloyalo mo dikeva na veitikina bibi ena ulutaga. Oti, bobo qai saga mo nanuma na iyaloyalo kei na ka o vulica kina.

• Vakacava mo raica tale na iyaloyalo ena mekesini qo qai raica ke o nanuma na ka o vulica kina.