Nanuma na Tikinivolatabu

Vakacava e dau dredre mo dau nanuma e dua nomu tikinivolatabu taleitaki? De dua na kena e vakacegui iko, e dua e vukei iko mo valuta na rai cala, se o via wilika vua e dua tale. (Same 119:11, 111) Qo eso na vakatutu o na rawa ni nanuma tiko kina nomu tikinivolatabu taleitaki.

• Vakayagataka na tag (ivakatakilakila) ena JW Library^®. Bulia e dua na tag qai vakatoka “Tikinivolatabu Taleitaki,” qai maroroya kina nomu tikinivolatabu taleitaki kece mo rawa ni nanuma.

• Vakabira na tikinivolatabu ena vanua o na raica kina. Vola e dua na tikinivolatabu o vinakata mo nanuma tiko qai vakabira ena vanua o na raica vakalevu kina. Eso era vakabira ena nodra iloilo; eso tale era biuta ena katuba ni nodra katoniwaililiwa. Eso tale era tabaka na tikinivolatabu qai biuta ena nodra kompiuta se talevoni.

• Vola ena tikinipepa se tikinikateni. Vola na tikinivolatabu ena dua na yasana qai vola na ka e tukuni kina ena yasana kadua. Oti ni o raica ga na tikinivolatabu, cavuqaqataka sara na ka e tukuni, se ni o raica na ka e tukuni kina, cavuta sara na tikinivolatabu.