Ena Rawa ni Oti na Veivakaduiduitaki?—Cava e Kaya na iVolatabu?

E levu era nanuma nira na sega ni duavata se raici vakatautauvata na matatamata kece.

• “E veivakaleqai tiko e veiyasa i vuravura na veicati vakamatatamata ena isoqosoqo kei na veimaliwai e veisiga. Qori e vakavuna mera veivakaduiduitaki.”—António Guterres, Vunivola Levu ni Matabose kei Vuravura.

Ena yaco dina na duavata vakamatatamata? Cava e kaya na iVolatabu?

Rai ni Kalou ena nodra duavata na matatamata

E kaya na iVolatabu nona rai na Kalou me baleta na duidui matatamata.

• “Na [Kalou] e bulia na matatamata kece mai na dua ga na tamata, mera tawana na yasa i vuravura kece.”—Cakacaka 17:26.

• “Sega ni dau veivakaduiduitaki na Kalou, ia e vakadonui ira era dokai koya ra qai cakava na ka e vinakata mai na veivanua kece.”—Cakacaka 10:34, 35.

E vakaraitaka na iVolatabu nida dua ga na vuvale, qai vakadonuya na Kalou na matatamata kece.

Sala cava ena duavata kina na matatamata?

Ena vakayacora qori na Matanitu ni Kalou, e matanitu vakalomalagi. Ena vakavulici ira na lewenivanua ena ka mera cakava vei ira eso tale. Era na vulica tale ga na sala mera biuta tani kina na yalo ni veivakaduiduitaki.

• “Era na vulica na ivalavala dodonu na lewenivanua.”—Aisea 26:9.

• “Na vua ni ivalavala dodonu dina na veiyaloni, na vua ni ivalavala dodonu dina na vakacegu kei na sautu me sega ni mudu.”—Aisea 32:17.

E vica vata na milioni nikua era sa vulica ena iVolatabu mera veidokai qai veirokovi.

• Mo kila eso tale na ka wilika ena Yadra! na ulutaga “Na iWali ni Veivakaduiduitaki.”

• Me rawa nira kila na itubutubu na sala mera veivosakitaka kina na ulutaga qo kei ira na luvedra, raica na ulutaga “Vakamacalataka na Veivakaduiduitaki Vei Ira na Luvemu.”