Cava Era Sega ni Sokaloutaka Kina na Kauveilatai na iVakadinadina i Jiova?

Levu era raica na kauveilatai me ivakatakilakila ni lotu vaKarisito. Keimami lotu vaKarisito na iVakadinadina i Jiova, ia keimami sega ni vakayagataka na Kauveilatai ena neimami sokalou. Na vuna?

E tukuni ena iVolatabu ni vako o Jisu ena kau, sega ni kauveilatai. E veivakasalataki na iVolatabu vei ira na lotu vaKarisito mera “dro tani mai na qaravi matakau,” e sega gona ni dodonu me vakayagataki na kauveilatai ena sokalou.​—1 Korinica 10:14; 1 Joni 5:​21.

E kaya o Jisu: “Na ka qo era na kila kece kina ni dou noqu tisaipeli, ke dou veilomani.” (Joni 13:34, 35) E vakaraitaka e keri o Jisu ni veilomani e vakatakilakilataki ira na nona imuri yalodina, sega ni kauveilatai se ivakatakarakara.